Tlaj amo kiampa mitspanotok, uelis tikitstok katli kiampa kinchiuilijtokej. Ipan noticias tikitaj miakej maseualmej kinkualankaitaj sekinok pampa euaj ipan seyok altepetl, kamanaltij seyok tlajtoli o pampa mosiuanekij uan motlakanekij. Yeka, tlanauatianij kitlalijtokej tlanauatili uan kiampa kintlatsakuiltiaj katli tekualankaitaj.

Kema se akajya tekualankaita, kichiua sekinok nojkia ma tekualankaitakaj. Katli kinchiuiliaj tlen amo kuali, teipa kinekij momakuepasej uan yeka kualantli amo kema tlami.

Uelis ta nojkia mitschikoitstokej, mitspinajtijtokej, mitstlaijiljuijtokej o mitsiljuijtokej mitschiuilisej tlen amo kuali. Maske kiampa kichiuaj, sekij nojua tlauel tekualankaitaj uan yeka tetlaijiyouiltiaj, temakiliaj, kinchiualtiaj sekinok ma motekakaj ininuaya uan temiktiaj.

Ni pilamochtsi techixtomilis kena uelis ayokmo titekualankaitasej uan kinankilis ni tlajtlanili:

• ¿Kenke tlauel tekualankaitaj?

• ¿Tlake techpaleuis ayokmo ma titekualankaitakaj?

• ¿Asis se tonali kema ayokmo tekualankaitasej?