¿TLAKE TECHPALEUIS AYOKMO TITEKUALANKAITASEJ?
3 | Xijpatla motlalnamikilis
Tlen Biblia kiijtoua:
“Xijkauilikaj toTeko ma inmechyolpatla uan ma inmechchiua inyankuikej tlakamej pampa inkipatlatiauij inmotlalnamikilis ika tlen kuali. Uan keja nopa inkimatisej tlake ipakilis toTeko” (ROMANOS 12:2).
¿Tlake kiijtosneki?
ToTeotsij kitekipachoua tlen timoyoliljuiaj (Jeremías 17:10). Maske moneki kuali timoiljuisej tlen tikijtosej uan tlen tijchiuasej, amo san ya nopa moneki. Kema se akajya tekualankaita, peua ipan iyolo uan itlalnamikilis, yeka moneki tijchiuasej kampeka nima tijkixtisej. Tlaj kiampa tijchiuasej tijpatlatiasej totlalnamikilis uan ayokmo titekualankaitasej.
Uelis tijchiuas ni:
Kuali ximoiljui tlake timoyoliljuia tlen katli euaj ipan seyok altepetl, tlaj chipaktikej o amo. Ximotlatsintoki: “¿Kenijkatsa nikinita? ¿Tlen nimoiljuia tlen inijuantij eli san tlen nijmati o uelis nojkia nikinchikoita?”. Amo xikita películas yon redes sociales kampa nesij maseualmej mokualankaitaj uan mosisiniaj.
Biblia uelis techpaleuis ma tijkixtikaj kualantli tlen eltok ipan toyolo uan totlalnamikilis
Kemantika eli ouij tikitasej tlen nelnelia tijyolmatij uan tlen timoiljuiaj. Maske eli ouij, Biblia uelis techpaleuis pampa “kipannextia intla kuali o axkuali tlen timoyoliljuiaj uan [...] tlen tijnekij tijchiuasej” (Hebreos 4:12). Yeka, ximomachti Biblia uan xikita tlaj eli sanse ika tlen timoiljuia uan ika tlen timomachtijtok. Teipa, xijchiua kampeka timonejnemiltis kej timomachtijtok. ToTeotsij iTlajtol ueli “kixoleua nochi nopa chikauak tlamantli” tlen eltok ipan totlalnamikilis uan toyolo, kej kema titekualankaitaj (2 Corintios 10:4, 5).
Tlen nojkia mitspaktis tikitas
BIBLIA KINPALEUIK KUALI MA MONEJNEMILTIKAJ
Nama ayokmo nijtekiuia pistola
Xikita kenijkatsa tlen Biblia tlamachtia kipaleuik Cindy ayokmo ma mosisini uan ma moyolyamanili.
