Kema tijpouaj Biblia uelis tijtemosej sekinok tlamachtili, kiampa más tijkuamachilisej tlen tijpojkej. Amo ma timomachtikaj san pampa tijnekij tijmatisej miak tlamantli. Moneki tikitasej tlake kuajkuali tlamantli kinextia Jehová, nopa techpaleuis tlauel ma tikiknelikaj. Tlaj kiampa tijnekij tijchiuasej, ma timotlasintokikaj: “¿Tlake nechmachtia nopa tlapoualistli tlen Jehová?”.

Uelis tijtemosej kenijkatsa Jehová kinextia teiknelia, tlalnamiki, kichiua tlen xitlauak uan kipia chikaualistli. Ya amo san kinextia ni tlamantli, nojkia kinextia sekinok kuajkuali tlamantli. ¿Kanke uelis tijpantisej?

Ipan Índice de las publicaciones Watch Tower tijpantis kipano 50 kuajkuali tlamantli tlen Jehová kinextia. Xijtemo kampa kiijtoua “Jehová”, teipa xikalaki kampa kiijtoua “Cualidades por nombre”. Uan xikita tlake kuali tlamantli tlen uala ipan nopa lista kinextia Jehová ipan tlen tijpojtok, uan teipa xijpoua nopa tlamachtili. (Tlaj san ueli tikalaki ipan Tlen ika momachtiaj Jehová itlajtoltemakauaj, xikalaki kampa kiijtoua “Jehová” uan teipa kampa kiijtoua “Kuajkuali tlamantli tlen Jehová kinextia”).