¿Kuali timomachtijtok tlen kistok ipan pilamochtsi Tlen Tematiltia? Xikita tlaj tiuelis tijnankilis ni tlajtlanili:

¿Kenijkatsa techpaleuis tlaj tijchiuaj kampeka timonojnotsasej iuaya Jehová, tijtlakakilisej uan timoyoliljuisej ipan ya?

Kuali tijtlapejpenisej tlen tijchiuasej, kuali titlamachtisej, nojua kuali titlaneltokasej uan tlauel tikiknelisej Jehová (w22.01, iamayo 30, 31).

¿Kenke tlauel techpaleuia kema timotemachiaj ipan Jehová uan ipan toikniuaj katli techyakanaj?

Ipan ni tonali, moneki tijchiuasej kampeka timotemachisej Jehová kuali techyakana. Tijnextiaj timotemachiaj ipan ya tlaj tijchiuaj tlen ueuejtlakamej techiljuiaj. Kiampa ipan ueyi tlaijiyouilistli, nima tijchiuasej tlen techiljuisej maske se keski tlamantli kichiuas ma timosentlachilikaj o timoiljuisej amo techpaleuis (w22.02, iamayo 4-6).

¿Kenke nopa iluikaejketl kiiljuik Zacarías kiitaskia nopa plomada imako Zorobabel? (Zac. 4:8-10).

Tlen Zacarías kiitak kinpaleuik toTeotsij itekipanojkauaj ma motemachikaj maske nopa teokali amo eliskia kej katli ipa eltoya, inijuantij kitlamiltiskiaj uan kichiuaskiaj kej Jehová kineki (w22.03, iamayo 16, 17).

¿Kenijkatsa uelis tijnextisej se kuali neskayotl kema tikamanaltij? (1 Tim. 4:12).

Moneki tijnextisej tijpiaj kuali toyolo uan titlatlepanitaj kema titlajtolmoyauaj, moneki tiuikasej ika miak pakilistli ipan tlanechikoli uan nochipa titlanankilisej, tikijtosej tlen xitlauak, tlen teyolchikaua uan amo titetlaijiljuisej (w22.04, iamayo 6-9).

¿Kenke nopa tlapiali tlen kiijtoua Apocalipsis 13:1, 2 kipia sanse tlamantli ika nopa nauij tlapialmej (tlanauatianij) tlen kiijtoua Daniel capítulo 7?

Nopa tlapiali tlen Apocalipsis capítulo 13 amo kiixnextia san se tekichijketl, kej Roma. Ni tlapiali kinixnextia nochi tekichiuanij katli tlanauatijtokej ipan miak xiuitl (w22.05, iamayo 9).

¿Kenijkatsa uelis tijnextisej timotemachiaj san Jehová kuali tetlajtolsenkaua?

Tlaj se akajya techyolkokok, techchiuilik tlen amo kuali o techixpanok, tijchiuaj kampeka tikilkauasej, ayokmo tikualantosej iuaya uan tijkauasej imako Jehová tlen techchiuilik. Ya kisenkauas nochi kuesoli tlen techpanotok pampa tielij titlajtlakolejkej (w22.06, iamayo 10, 11).

¿Tlake moneki kiilnamikis se toikni kema momaijtos ipan tlanechikoli?

Kema momaijtoua moneki amo kakistis kintlajtolmaka toikniuaj yon kinmatiltia se tlenijki. Uan kema peua tlanechikoli, moneki amo kiijtos miak tlamantli kema momaijtos (Mat. 6:7) (w22.07, iamayo 24, 25).

¿Kenijkatsa kejuak “kiselisej tlatsakuiltilistli” katli “kichijkej tlen axkuali”? (Juan 5:29).

Maseualmej katli moyolkuisej amo kintlatsakuiltisej ika tlen kichijkej uejkajkia. Kiijtosneki kema moyolkuisej, toTeotsij kintlajtolsenkauas ika tlen kichiuasej (w22.09, iamayo 18).

¿Tlake kiijtok toikni Joseph Rutherford ipan se ueyi tlanechikolistli tlen mochijki ipan xiuitl 1922?

Ipan se ueyi tlanechikolistli ipan Cedar Point (Ohio, Estados Unidos), kiijtok: “¡Xikitakaj, Tlanauatijketl tekichiua! Inmojuantij itlatekipanojkauaj. Uajka, xitematiltikaj, xitematiltikaj, xitematiltikaj tekichiua Tlanauatijketl” (w22.10, iamayo 3-5).

Kej kiijtoua Isaías 30, ¿ika tlake eyi tlamantli Jehová techpaleuia ma tikijiyouikaj tlaouijkayotl?

Ipan ni capítulo kiijtoua Jehová 1) techtlakakilia kema timomaijtouaj uan techpaleuia, 2) techyakana, uan 3) techteochiua ipan ni tonali uan nojkia techteochiuas teipa (w22.11, iamayo 9).

¿Kenijkatsa tijmatij tlen kiijtoua Salmo 37:10, 11, 29 moaxitik uejkajkia uan nojkia moaxitis teipa?

Tlen David kiijtok kinextia kenijkatsa kuali itstoyaj ipan Israel kema tlanauatik Salomón. Uan Jesús nojkia kiijtok tlen kiijtoua versículo 11, kema kiijtok kenijkatsa elis Tlaltipaktli kema toTeotsij kikualtlalis (Mat. 5:5; Luc. 23:43) (w22.12, iamayo 8-10, 14).