Se tonali, se tosiuaikni tlen Nueva Zelanda kiitak se video ipan jw.org kampa kiijtoua Jehová amo san kintlasojtla maseualmej, nojkia kinpaleuia (Is. 63:7-9). Nopa tosiuaikni kinejki kichiuas tlen kiyekok, yeka kitemok ajkia ueliskia kipaleuis. Kema yajki kikoua se keski tlamantli, kiitak se siuatl katli amo kipiayaya ichaj. Nopa tosiuaikni kiiljuik tlaj kinekiyaya ma kikouili tlakualistli. Nopa siuatl kiijtok kena. Kema nopa tosiuaikni kiuikilik nopa tlakualistli, nojkia kikamanaljuik tlen Biblia uan kitekiuik nopa pilamatsi ¿Asis se tonali kema ayokmo titlaijiyouisej?

Nopa siuatl pejki mochokilia, uan kiiljuik itatauaj kimachtijkej tlen melauak kema eliyaya siuapil, pero teipa ayokmo kinejki monechikos. Maske kiampa kichijtoya, ya kitlajtlanijtoya Jehová ma kipaleui sampa kitekipanos. Nopa tosiuaikni kimakak se Biblia uan kiiljuik momachtiskiaj sansejko. a

Sanse kej Jehová, uelis tijnextisej tikintlasojtlaj tochampoyouaj, toikniuaj uan sekinok maseualmej. Nojkia, uelis tijnextisej nopa kuali tlamantli tlaj nochipa tijchiuaj kampeka titlajtolmoyauasej.