Ipan tlanechikoli uan ipan uejueyi tlanechikolistli tijueyichiuaj Jehová ininuaya miakej toikniuaj. Nojkia tijueyichiuaj Jehová kema timomachtiaj toselti o ininuaya tochampoyouaj. Xikita tlen ueliskia tijchiuas kema timomachtis moselti o ininuaya mochampoyouaj.

• Ma timomachtikaj tlen tikitasej ipan tlanechikoli. Uelis tiuikasej nopa uikatl tlen tijtekiuisej uan nojkia uelis timokualchijchiuasej ininuaya tochampoyouaj, kiampa uelis titlanankilisej.

• Ma tijpouakaj se tlapoualistli tlen uala ipan Biblia. Teipa uelis tikixkopinasej se tlamantli tlen nopa tlapoualistli o tikijkuilosej tlen tijyekojkej.

• Ma tijpouakaj se tlamaijtoli tlen uala ipan Biblia uan ma tikitakaj kenijkatsa uelis techpaleuis más kuali timomaijtosej.

• Ma tikitakaj se video ipan jw.org. Teipa ininuaya tochampoyouaj ma tikijtokaj tlen tijyekojkej o ma tikijkuilokaj tlen techpaktik.

• Ma tikitakaj tlake uelis tikijtosej kema titlajtolmoyauasej uan ma tikompauikaj.

• Ma tikitakaj tlen Jehová kichijchijtok uan ma timoyoliljuikaj tlake techmachtia tlen ya. Uan tlaj tiitstok ininuaya mochampoyouaj, xikijtokaj tlen inkiyekojkej. a