Kemantika uelis amo tikilnamikij tlen timomachtiaj. Pero kena tikilnamikij tlen Jesús tlamachtik pampa kitekiuik neskayotl uan tlaixkopinkayomej. ¿Kenke tikilnamikij? Pampa totlalnamikilis techpaleuia ma timoiljuikaj ipan se keski tlaixkopinkayotl. Yeka, tlaj kema timomachtiaj timoiljuiaj ipan se tlaixkopinkayotl o se tlamantli, techpaleuis nima ma tikilnamikikaj tlen tijyekojkej. ¿Kenijkatsa uelis tijchiuasej? Uelis tijmaixkopintiasej tlen tijyekojtiauij kema timomachtijtiasej.

Maseualmej katli kimaixkopinaj se tlamantli tlen kiyekouaj, amo nima kiilkauaj uan uelis kiilnamiktosej se keski tlajtoli tlen tlauel ipati o tlen más pankisa. Tlen kimaixkopinaj amo tlauel ouij. Yeka, se keskij ixtlamatinij kiijtouaj katli ya uejueyij tlauel kinpaleuis kichiuasej ni tlamantli.

Kema sampa timomachtis, ueliskia tijmaixkopinas tlen tijyekok. Uelis timosentlachilis kema tikitas tikilnamiki tlen timomachtik.