Maske techpaktiskia timomachtisej Biblia miak horas, amo tijpiaj miak tonali. ¿Tlake techpaleuis? Tlaj tijpia se kentsi tonali, kuali xijtekiui uan ximomachti. Más kuali ximomachti se kentsi tlamachtili uan amo miak pampa amo tijkuamachilis.

Ximoiljui tlake uelis timomachtis achtoui (Efes. 5:15, 16). Xikita se keski tlamantli tlen uelis tijchiuas:

• Mojmostla xijpoua Biblia (Sal. 1:2). Achtoui uelis tijpouas nopa capítulos tlen mopouas ipan tlanechikoli ipan nopa semana.

• Ximomachti tlen timomachtisej ipan Tlen Tematiltia uan ipan tlanechikoli Kej Timonejnemiltiaj uan Titlajtolmoyauaj. Kuali ximomachti, kiampa uelis titlanankilis (Sal. 22:22).

• Tlaj tikita nojua tijpia tonali, xikita sekinok tlamachtili. Kej nopa pilamochtsitsij tlen tijtekiuiaj kema titlajtolmoyauaj, videos uan nochi tlen kistia ipan jw.org.

• Ximomachti tlen tijneki tijmatis. Uelis timomachtis tlen mitspaleuis xikixnamiki se tlaouijkayotl, tlen mitspaleuis xijnankili se tlajtlanili o uelis timomachtis se tlamachtili tlen tijneki tijmatis. Uelis tikitas tlake sekinok tlamantli timomachtis kampa kiijtoua “Actividades para estudiar la Biblia” ipan jw.org.