TIMOILJUIA nopa Diablo:

• ¿Eli se amo kuali ajakatl?

• ¿San kiixnextia tlen amo kuali katli tijpiaj ipan toyolo?

• ¿Amo nelia itstok?

TLEN KIIJTOUA BIBLIA

Diablo kinojnotski Jesús uan kiyejyekok pampa kinekiyaya ma tlajtlakolchiua (Mat. 4:1-4). Uajka amo san kiixnextia tlen amo kuali, pampa nelia itstok uan kichiua tlen tlauel amo kuali.

¿TLAKE SEKINOK TLAMANTLI KIIJTOUA BIBLIA?

• Diablo eliyaya se kuali iluikaejketl, uan teipa pejki “kikokolia nochi tlen melauak” (Juan 8:44). Pejki istlakati uan kiijixnamijki toTeotsij.

• Sekinok iluikaeuanij nojkia tlaijixnamijkej iuaya Satanás (Apoc. [Rev.] 12:9).

• Diablo kinkajkayaua maseualmej uan kineki ma moiljuikaj ya amo nelia itstok (2 Cor. 4:4).

SEKIJ KIIJTOUAJ Diablo amo uelis kichiuas nopa, uan sekinok tlauel majmauij pampa moiljuiaj amo kuali ajakamej uelis kalakisej ipan inintlakayo. Ta, ¿tlake timoiljuia?

TLEN KIIJTOUA BIBLIA

“Kampa ueli ipan Tlaltipaktli mokauaj ipan ichikaualis Axkualtlakatl” (1 Juan 5:19). Maske Diablo kinkajkayaua miakej, amo nochi ueli kinnauatia.

¿TLAKE SEKINOK TLAMANTLI KIIJTOUA BIBLIA?

• Diablo kinkajkayaua maseualmej, yeka ueli kinnauatia (2 Cor. 11:14).

• Kemantika, amo kuali ajakamej kalakij ipan maseualmej (Mat. 12:22).

• ToTeotsij uelis mitspaleuis uan kiampa uelis timomanauis tlen Diablo (Sant. 4:7).