SE TONALI, Jesús kiijtok: “Más pakilistli kiselia tlen temaka se tlenijki, uan axkeja tlen kiselia” (Hech. 20:35). Ni tlamantli nelia moaxitia kema kuali timouikaj iuaya Jehová. ¿Kenke kiampa tikijtouaj? Pampa ya techmakatok miak tlamantli tlen kichiua ma tiyolpakikaj, uan nojua tlauel tiyolpakisej tlaj tojuantij tijmakasej se tlamantli. ¿Tlake uelis tijmakasej? Proverbios 3:9 kiijtoua: “Xijnexti para tijtlepanita toTeko pampa tijmaka [...] tlen iaxka tlen nochi tlamantli tlen tijpia”. Uajka, toTeotsij uelis tijmakasej tlen tiuelij tijchiuaj, tonali, tochikaualis, uan tlamantli tlen tijpiaj. Kema tijtekiuiaj tlen tijpiaj uan kiampa titlapaleuiaj ipan toTeotsij itlanechikol, kejuak tijmakaj Jehová se nemaktli, uan nopa kichiua tlauel ma tiyolpakikaj.

¿Tlake techpaleuis amo tikilkauasej tijmakasej Jehová tlen tijpiaj? Apóstol Pablo kiniljuik tlaneltokanij tlen Corinto ma kiajokuikaj se kentsi tomij uan kiampa ueliskia temakasej tlen kiiyokatlalijtoyaj (1 Cor. 16:2). Tlaj tijneki tijmatis kenijkatsa uelis titemakas tomij kampa ta tiitstok, xikita nopa recuadro tlen eltok tlatsintla.

Maske ipan se keski altepemej amo uelij temakaj tomij ipan Internet. Tlaj tijtemos donate.pr418.com, mitspaleuis tijmatis sekinok tlamantli tlen ika uelis titemakas tomij. Ipan se keski altepemej, nopaya tijpantis se amatl tlen kinankilia se keski tlajtlanili tlen mitspaleuis tijmatis kenijkatsa titemakas tomij.