Jesús tekichiuas ipan toTeotsij iTlanauatijkayo

Lucas 1:31-33: “Tijtokajtlalis Jesús. Yajaya elis ueyi iixtla toTeko. [...] Kiixmatisej para iKone toTeko Dios tlen más kipia tlanauatili. Uan toTeko kichiuas ma moseuis uan tlanauatis kampa tlanauatiyaya iuejkapantata David. Uan kipias tekiuejkayotl ika israelitajmej para nochipa uan axkema tlamis itlanauatilis”.

Kema Jesús tlajtolmoyauayaya kinmachtiyaya tlen toTeotsij iTlanauatijkayo

Mateo 9:35: “Uan Jesús tlamachtijtinenki ipan sejse israelita teopamitl kampa ueli ipan nochi altepetinij uan pilaltepetsitsij. Kiniljuiyaya tlakamej nopa kuali tlajtoli tlen kejatsa uelis kalakisej kampa tlanauatia toTeko. Uan kinchikauayaya tlakamej tlen kipixtoyaj nochi tlamantli kokolistli uan tlakuajkualojkayotl”.

Jesús kiniljuik itokilijkauaj tlake kinextiskia toTeotsij iTlanauatijkayo nechka tekichiuas

Mateo 24:7: “Tlakamej ipan tlaltinij kampa ueli motlalanasej uan moteuisej tlakamej ipan sekinok tlaltinij. Tlanauatianij uan ininsoldados tlateuisej ininuaya sekinok tlanauatianij uan ininsoldados. Onkas kokolistli tlen fiero, uan ueyi mayantli uan kampa ueli mojmolinis tlali”.

Cristo itokilijkauaj tlajtolmoyauaj tlen toTeotsij iTlanauatijkayo ipan nochi Tlaltipaktli

Mateo 24:14: “Uan tlakamej tlakamauitij ni kuali tlamachtili tlen kejatsa eltos kema toTeko tlanauatia. Uan kiuikasej hasta kampa ueli techaj ipan nochi tlaltinij ipan ni Tlaltipaktli para nochi tlakamej ma kimatikaj. Uan teipa ualas itlamia nochi tlen onka”.