Tlen mitspaleuis timomachtis
Tlen uelis inkichiuasej ininuaya inmokoneuaj
Tetajmej moneki kinmachtisej ininkoneuaj tlen Jehová (Efes. 6:4). Uan pampa toTeotsij itlanechikol kineki kinpaleuis tetajmej, kikixtijtok miak tlamachtili tlen ika uelis kinpaleuisej ininkoneuaj. ¿Kenijkatsa uelis kinmachtisej ika nopa tlamachtili?
Xikita jw.org. Nopaya uelis tijpantis miak tlamantli tlen kinpaleuis konemej uan telpokamej, kej videos uan sekinok tlamachtili. a Tlaj tijneki tikitas, xijtemo kampa kiijtoua “Tlen Biblia tlamachtia”, teipa ipan “Konemej” o “Telpokamej”.
Kuali xijtlapejpeni nopa tlamachtili. Ipan tlaxeloli “Konemej” uelis tijtlapejpenis se keski tlamantli tlen kipaleuis mokone.
Sansejko xikixtomakaj. Amo san xijnextili mokone nopa videos uan amo san xikiljui ma kichiua se keski tlamantli. Moneki timomachtis iuaya uan tijpaleuis ma mouampojchiua iuaya Jehová.
a Ipan jw.org ika tlajtoli español, eltok miak tlamachtili tlen kinpaleuis konemej uan telpokamej, kej videos uan hojas de actividades. Uan ipan aplicación JW Library® ika tlajtoli español, uelis tijpantis nochi videos, pero ayamo nesi nochi hojas de actividades.
