Uelis tlauel miakej kinixmatij Jehová itlajtoltemakauaj pampa tlajtolmoyauaj kajkalpa, kampa ueli uan kampa nemij miakej. ¿Kenke tlajtolmoyauaj?

Inijuantij tlajtolmoyauaj pampa kiampa kiueyichiuaj toTeotsij uan temachtiaj itoka (Heb. 13:15). Nojkia pampa Cristo kinnauatik: “Uajka, xiakaj, uan xijchiuakaj ma elikaj notokilijkauaj maseualmej tlen nochi altepemej, [...] xikinmachtikaj ma kineltokakaj nochi tlen niinmechnauatijtok” (Mat. 28:19, 20, TNM).

Uan nojkia kichiuaj pampa kinikneliaj maseualmej (Mat. 22:39). Maske kimatij maseualmej kineltokaj sekinok tlamantli uan amo nochi kinekij kintlakakilisej, motemachiaj tlen tlamachtia Biblia uelis kinmanauis. Nopa kinyololinia nochipa ‘tlamachtisej tlen Cristo’ kej kichijkej nopa achtoui itokilijkauaj (Hech. 5:41, 42).

Miakej katli kipouaj amatlajkuiloli amo Jehová itlajtoltemakauaj. Nojkia kinmachtiaj miakej ika Biblia katli itstokej ipan sekinok religiones uan inijuantij kintlaskamatiliaj pampa kinpaxalouaj.

Tlaj tijneki tijmatis sekinok tlamantli tlen kichiuaj Jehová itlajtoltemakauaj, uelis tijchiuas ni:

• Xikintlajtlani Jehová itlajtoltemakauaj.

• Xikita ipan www.pr418.com/nah kampa tlamachtiaj ipan Internet.

• Xia kampa mosentiliaj. Nopaya nochi uelis yasej uan amo tlainamaj.