¡Kuali kitlajtolkueptokej toTeotsij iTlajtol!
“ITlajtol toTeko yoltok.” (HEBREOS 4:12)
UIKATL 37 UAN 116
1. 1) ¿Tlake kiiljuik Jehová ma kichiua Adán? 2) ¿Tlake ueli tijchiuaj pampa tikamanaltij?
TOJUANTIJ ueli tikamanaltij pampa kej nopa techchijchijki Jehová. Ipan Xochimili Edén, kiiljuik Adán ma kintokaxtlali nochi tlapialmej uan ya kintokaxtlalik kej kinamikiyaya (Gén. 2:19, 20). Yeka pampa tikamanaltij ueli tijueyichiuaj Jehová uan nojkia ueli tikiniljuiaj sekinok ajkia ya. Ipan ni tonali tijtlajtolkuepaj Biblia uan kiampa maseualmej uelis kiixmatisej toTeotsij. Ni ueli tijchiuaj pampa ueli tikamanaltij.
2. 1) ¿Tlake kichijkej toikniuaj kema kitlajtolkuepkej nopa Traducción del Nuevo Mundo? 2) ¿Tlake tikitasej ipan ni tlamachtili?
2 Maske onka tlauel miak Biblias, amo tlauel xitlauak kitlajtolkueptokej. Toikniuaj katli kichijkej nopa Traducción del Nuevo Mundo kinekiyayaj kuali kitlajtolkuepasej, yeka kichijkej ni eyi tlamantli: 1) kitlepanitakej toTeotsij itoka uan yeka kiijkuilojkej kampa kinamikiyaya nesis (xijpoua Mateo 6:9). 2) Kema kuali kakistiyaya, kitlajtolkuepkej sejse tlajtoli, uan kema amo, san kitlajtolkuepkej tlen kiijtosnekiyaya nopa tlajtoli. 3) Kitekiuijkej tlajtoli tlen amo ouij tijpouaskiaj uan tijkuamachiliskiaj (xijpoua Nehemías 8: 8 uan 12). * Jehová itlajtoltemakauaj kichijtokej ni eyi tlamantli kema kitlajtolkueptokej Biblia ipan kipano 130 tlajtoli. Ipan ni tlamachtili tikitasej kenijkatsa kej nopa kichijkej kema kiyankuilijkej nopa Traducción del Nuevo Mundo ika inglés, xiuitl 2013, uan kenijkatsa sekinok toikniuaj nojkia kiampa kichiuaj kema kitlajtolkuepaj Biblia ipan sekinok tlajtoli.
SE BIBLIA TLEN KIUEYICHIUA TOTEOTSIJ ITOKA
3, 4. 1) ¿Kanke nesi nopa Tetragrámaton? 2) ¿Tlake kichijtokej katli kitlajtolkuepaj Biblia ika toTeotsij itoka?
3 Ipan hebreo, toTeotsij itoka moijkuiloua san ika naui letras tlen kiiljuiaj Tetragrámaton. Nopa Tetragrámaton miakpa nesi ipan amatlajkuiloli tlen uejkajkia kiijkuilojkej, kej ipan amatlajkuiloli tlen kipantijkej nechka ueyi atl Muerto. Nojkia nesi ipan se keski amatlajkuiloli kampa kiixkopintoyaj nopa Septuaginta, tlen kiixkopinkej ipan xiuitl 200 a.u.J uan tlankej ipan xiuitl 100 y.u.J. Miakej maseualmej amo kimatiyayaj tlaj toTeotsij itoka miakpa nesiyaya ipan amatlajkuiloli tlen uejkajkia kiijkuilojkej.
4 Maske toTeotsij itoka kinamiki nesis ipan Biblia, ipan miak Biblias kiixpolojtokej. Kema panotoya ome xiuitl ika kichijtoyaj nopa Traducción del Nuevo Mundo de las Escrituras Griegas Cristianas ika inglés, kiyankuilijkej nopa American Standard Version. Kema ni Biblia kichijkej ipan 1901 nesiyaya toTeotsij itoka, uan kema kiyankuilijkej ipan 1952 ayokmo nesiyaya. ¿Kenke kiixpolojkej? Pampa katli kitlajtolkuepkej moiljuiyayaj amo kinamiki tijtekiuisej toTeotsij itoka. Ipan miak Biblias ika inglés uan sekinok tlajtoli nojkia kiampa kichijtokej.
5. ¿Kenke toTeotsij itoka moneki nesis ipan Biblia?
5 ¿Kinamiki kiijkuilosej toTeotsij itoka kema kitlajtolkuepaj Biblia? Kena, pampa Jehová kichijki ma moijkuilo Biblia, uan ya kineki maseualmej ma kimatikaj kenijkatsa itoka. Se akajya katli kuali tlajtolkuepa moneki kimatis tlake kineki toTeotsij kema kitlajtolkuepas iTlajtol. Ipan miak textos Jehová kinextia tlauel ipati itoka uan kinamiki ma tijtlepanitakaj (xikita ni textos ipan Traducción del Nuevo Mundo: Éx. 3:15; Sal. 83:18; 148:13; Is. 42:8; 43:10; Juan 17:6, 26; Hech. 15:14). Jehová kichijki nopa tlakamej katli kiijkuilojkej itlajtol miakpa ma kiijkuilokaj itoka (xijpoua Ezequiel 38:23 *). Uajka kema katli kitlajtolkuepaj kiixpolouaj toTeotsij itoka, kinextiaj amo kitlepanitaj Jehová.
6. ¿Kenke toTeotsij itoka kiijkuilojkej ipan sekinok chikuasej textos ipan Traducción del Nuevo Mundo?
6 Ipan ni tonali onka miak tlamantli tlen kinextia moneki tijtekiuisej toTeotsij itoka. Ipan Traducción del Nuevo Mundo ika inglés, xiuitl 2013, nesi toTeotsij itoka 7,216 imiakpa, uan achtouia san nesiyaya 7,210 imiakpa. Ipan 1 Samuel kiijkuilojkej toTeotsij itoka ipan makuili textos, pampa nojkia nesiyaya ipan amatlajkuiloli tlen kipantijkej nechka ueyi atl Muerto. * (Xikita nopa nota.) Uan ipan pilamochtsi Jueces nojkia kiijkuilojkej ipan se texto, pampa kema kuali momachtijkej nopa amatlajkuiloli tlen uejkajkia kiijkuilojkej kiitakej nojkia kinamikiyaya nesis. * (Xikita nopa nota.)
7, 8. ¿Tlake kiijtosneki toTeotsij itoka?
7 Cristo itokilijkauaj kimatij tlauel moneki kuali kikuamachilisej tlake kiijtosneki toTeotsij itoka. Itoka kiijtosneki “Ya Kichiua ma Mochiua”. * (Xikita nopa nota.) Achtouia moixtomayaya tlake kiijtosneki ika Éxodo 3:14, ipan nota kiijtoua: “Na nimochiuas tlen na nijnekis”. Ipan Traducción del Nuevo Mundo ika inglés, xiuitl 1984, kiixtonki Jehová uelis mochiuas tlen ueli tlamantli uan kiampa uelis moaxitis tlen mosentlalia. * (Xikita nopa nota.) Uan ipan Biblia tlen kiyankuilijkej ipan 2013 kiijtoua: “Nopa tokajyotl Jehová amo san kiijtosneki uelis mochiuas tlen ya kinekis, nojkia kiijtosneki ya uelis kichiuas se tlamantli tlen ya kichijchijtok ma kichiua o ma mochiua tlen ya kinekis uan kiampa moaxitis tlen mosentlalijtok”. (Nojkia xikita Tlen techpaleuis timomachtisej toTeotsij iTlajtol, iamayo 5.)
8 ¿Kenijkatsa Jehová kichiua tlen ya kichijchijtok ma kichiua o ma mochiua tlen ya kineki? ToTeotsij kichijki Noé ma kichijchiua nopa akali uan kichijki Bezalel tlauel kuali ma tekiti. Nojkia kichijki Gedeón ma eli se kuali tlateuijketl uan apóstol Pablo ma eli se kuali tlajtolmoyajketl. ToTeotsij itekipanojkauaj kimatij tlauel ipati tlen kiijtosneki itoka. Yeka katli kitlajtolkuepkej Traducción del Nuevo Mundo kiijkuilojkej kampa kinamiki nesis.
9. ¿Kenke Katli kinyakanaj Jehová itlajtoltemakauaj kinekij ma kitlajtolkuepakaj Biblia ipan sekinok tlajtoli?
9 Ipan miak Biblias kiixpolojtiauij toTeotsij Malaquías 3:16). Ipan ni tonali toTeotsij itoka nesi ipan Traducción del Nuevo Mundo ipan kipano 130 tlajtoli.
itoka uan kipatlaj ika “toTeko” o sekinok tokajyotl. Yeka Katli kinyakanaj Jehová itlajtoltemakauaj kinekij nochi maseualmej ma kipiakaj se Biblia ipan inintlajtol kampa nesi toTeotsij itoka (xijpouaSE BIBLIA TLEN XITLAUAK KITLAJTOLKUEPKEJ UAN AMO OUIJ SE KIKUAMACHILIS
10, 11. ¿Kenke kemantika ouij kema kitlajtolkuepaj ipan sekinok tlajtoli nopa Traducción del Nuevo Mundo?
10 Kemantika ouij kema kitlajtolkuepaj ipan sekinok tlajtoli nopa Traducción del Nuevo Mundo tlen tlajtoli inglés. Ximoiljui ipan nopa tlajtoli Seol, tlen ijkuilijtok ipan Eclesiastés 9:10 uan ipan sekinok textos. Ipan sekinok Biblias ika inglés nojkia nesi ni tlajtoli. Nopa tlajtoli Seol amo uelij kitlajtolkuepaj ipan sekinok tlajtoli, pampa miakej amo kimatij tlake kiijtosneki uan amo nesi ipan diccionarios. Sekij moiljuiaj kiampa itoka se tlali o se altepetl. Yeka katli kitlajtolkuepaj Biblia kinkajkej ma kitlajtolkuepakaj nopa tlajtoli Seol uan Hades kej “mijkaostotl” o se “tlakoyoktli” kampa kitlalpachouaj se mijkatsi. Kiampa xitlauak kitlajtolkuepaj uan amo ouij se kikuamachilia.
11 Nopa tlajtoli “alma” nojkia ouij kema kitlajtolkuepaj ipan sekinok tlajtoli. Kanajya nopa alma kikuamachiliaj kej se tlenijki tlen kisa ipan totlakayo kema timikij. Yeka kitlajtolkuepkej kej “maseuali”, “tlapiali” o “nemilistli”. Ipan Biblia con referencias moixtoma kenijkatsa nojkia uelis motlajtolkuepas nopa tlajtoli alma. Ipan notas ijkuilijtok tlake kiijtosneki ipan tlajtoli hebreo uan griego, kiampa amo ouij se kikuamachilia nopa textos.
12. ¿Kenke kiyankuilijkej Biblia? (Nojkia xikita nopa tlamachtili “Nopa yankuik Traducción del Nuevo Mundo ika inglés 2013” ipan ni pilamochtsi.)
12 Katli kitlajtolkuepayayaj Biblia ipan sekinok tlajtoli tlatsintokayayaj tlake kiijtosneki se keski tlajtoli ika inglés, nopa kinextik onkayaya se keski tlajtoli tlen ueliskia amo kuali kikuamachilisej. Yeka ipan septiembre 2007, Katli kinyakanaj Jehová itlajtoltemakauaj kiijtojkej monekiyaya kiyankuilisej. Katli kiyankuilijkej kuali momachtijkej nochi tlen toikniuaj kintlatsintokilijtoyaj. Kipatlakej tlajtoli tlen nama ayokmo motekiuia, kiampa amo ouij kipouaskiaj uan kuali kikuamachiliskiaj. Tlen kichijkej katli kitlajtolkuepkej Biblia ipan sekinok tlajtoli kinpaleuik toikniuaj ma kiyankuilikaj Biblia ika inglés (Prov. 27:17).
¿KENIJKATSA KIYOLMATIJ TOIKNIUAJ?
13. ¿Kenijkatsa kiyolmatij toikniuaj katli kiselijtokej nopa yankuik Biblia 2013?
13 ¿Kenijkatsa kiyolmatij toikniuaj katli kiselijtokej nopa Biblia ika inglés tlen kiyankuilijkej ipan 2013? Miakej kititlantokej miak amatlajkuiloli ipan ueyi kali Betel ne Brooklyn (Nueva York), kampa kiijtouaj tlauel kintlaskamatiliaj. Miakej nojkia kiyolmatij kej se tosiuaikni: “Biblia eli kej se tlenijki tlen kipia yejyektsitsij tetl uan tlen tlauel pajpatiyo. Kema nijpoua Jehová iTlajtol ipan nopa yankuik Biblia kejuak kuali nikita nopa tlamantli tlen tlauel yejyektsi. Uan pampa amo ouij nijkuamachilia, nechpaleuijtok kuali ma nikixmati Jehová. Kema nijpoua nijmati kejuak Jehová nechnajnauajtok uan nechkamanaljuijtok ika miak tlaiknelili”.
14, 15. ¿Kenijkatsa kiyolmatij miakej pampa kipiaj Traducción del Nuevo Mundo ipan inintlajtol?
14 Toikniuaj katli amo kamanaltij inglés nojkia tlauel yolpaktokej pampa kipiaj nopa Traducción del Nuevo Mundo ipan inintlajtol. Ipan altepetl Bulgaria, se ueuentsi kiijtok: “Maske tlauel miak xiuitl nijpojtok Biblia, amo kema nijpojtoya se Biblia tlen amo ouij nijkuamachilia uan tlen asi ipan noyolo”. Uan ipan altepetl Albania se tosiuaikni kiijtok: “¡Tlauel yejyektsi kakisti
toTeotsij iTlajtol ipan tlajtoli albanés! ¡Nelia tlauel kuali pampa Jehová technojnotsa ipan totlajtol!”.15 Ipan miak altepemej maseualmej amo kipiaj Biblia pampa tlauel patiyo o amo onka. Ipan altepetl Ruanda, miakej maseualmej katli toikniuaj kinmachtiyayaj amo kipixtoyaj Biblia pampa ininreligión tlauel patiyo kinnamakiltiyayaj uan tlauel ouij kikuamachiliyayaj, uan yeka san kej ipa monejnemiltiyayaj. Kema kichijkej nopa Traducción del Nuevo Mundo ipan inintlajtol, se tlakatl iuaya isiua uan nauij ikoneuaj kiijtojkej: “Nelia tlauel tijtlaskamatiliaj Jehová uan nopa tlalnamijkatlatekipanojketl pampa techmakatokej Biblia. Tojuantij amo tijpiaj miak tlen ika timopanoltiaj, yeka amo kema tijkojkej yon se Biblia pampa amo techaxiliyaya totomij. Nama nochi tijpiaj sejse Biblia, uan mojmostla sentik tijpouaj, kiampa tijnekij tijnextilisej Jehová nelia tijtlaskamatiliaj”.
16, 17. 1) ¿Tlake kineki Jehová? 2) ¿Tlake kinamiki tijchiuasej?
16 Nopa Traducción del Nuevo Mundo motlajtolkuepas ipan sekinok tlajtoli. Maske Satanás amo kineki ma kitlajtolkuepakaj, Jehová kineki itekipanojkauaj ma kipouakaj iTlajtol ika tlajtoli tlen amo ouij se kikuamachilis (xijpoua Isaías 30:21). Nechka moaxitis tlen kiijtoua Isaías 11:9: “Keja atl kitemitia nopa ueyi atl, nopa tlali temitos ika [maseualmej] tlen kiixmatij toTeko”.
17 Kinamiki kuali ma tijtekiuikaj nochi tlen Jehová techmaka, kej Biblia katli kiueyichiua itoka. Mojmostla ma tijtlakakilikaj tlen Jehová techiljuia ipan iTlajtol, uan ya nochipa techtlakakilis kema timomaijtosej. Kej nopa kuali tikixmatisej uan nojua tlauel tikiknelisej (Juan 17:3).
“¡Nelia tlauel kuali pampa Jehová technojnotsa ipan totlajtol!”
^ párr. 2 Xikita nopa tlamachtili “Cómo escoger una buena traducción de la Biblia” ipan La Atalaya, mayo 1, 2008.
^ párr. 5 Ezequiel 38:23, TNM: “Uan nijnextis nelia niueyi uan nitlatsejtseloltik, uan ipan miak altepemej nechixmatisej; uan kimatisej na nieli Jehová”.
^ párr. 6 Kema kiijkuilojkej nopa amatlajkuiloli ika hebreo tlen ika kitlajtolkuepkej nopa Traducción del Nuevo Mundo ya panotoya nechka 1,000 xiuitl kema kiijkuilojtoyaj nopa amatlajkuiloli tlen kipantijkej nechka ueyi atl Muerto.
^ párr. 6 ToTeotsij itoka kiijkuilojkej ipan 1 Samuel 2:25; 6:3; 10:26 uan 23:14 uan 16, uan ipan Jueces 19:18.
^ párr. 7 Sekij nojkia kiampa kiixtomaj toTeotsij itoka uan sekinok amo.
^ párr. 7 Xikita nopa tlamachtili “El nombre divino en las Escrituras Hebreas”, ipan Biblia con referencias, iamayo 1559.