Tlen techpaleuis ma timotemachikaj teipa kuali tiitstosej
ToTeotsij techiljuia teipa kuali tiitstosej, ayokmo titlaijiyouisej uan kichiuas maseualmej ma itstokaj ika pakilistli (Salmo 37:11). ¿Kenke timotemachiaj toTeotsij nelnelia kichiuas ni tlamantli? Pampa “toTeko axitstok keja titlakamej. Yajaya axistlakati” (Números 23:19). Ma tikitakaj se keski tlamantli tlen kichiuas.
Toteotsij kintsontlamiltis katli amo kualmej
“Tlakamej tlen fiero ininyolis motlalanaj uan moueyichiuaj ika tlamantli tlen axkuali, pero axkimatij para teipa kintsontlamiltisej” (SALMO 92:7).
Kej tikitakej ipan nopa seyok tlamachtili, maseualmej tlauel amo kuali kej monejnemiltiaj. Yeka, amo kinamiki timosentlachilisej pampa ipan 2 Timoteo 3:1-5 ipa kiijtojtoya maseualmej tlauel amo kuali monejnemiltiskiaj ipan “itlamia tonali”. Kema kiijtoua “itlamia tonali”, kineki kiijtos toTeotsij kintsontlamiltis maseualmej katli amo kitlepanitaj ipan ni tonali. Uan teipa san itstosej katli kena kitlepanitaj. Kej kiijtoua Salmo 37:29: “Tlen itstokej xitlauakej iixpa toTeko moaxkatisej nopa tlali tlen yajaya kinmakas, uan nepa itstosej para nochipa”.
ToTeotsij kitsontlamiltis Satanás
“ToTeko Dios tlen techmaka tlaseuilistli kitsonpechis Axkualtlakatl” (ROMANOS 16:20).
Kema ayokmo itstosej Satanás, amo kuali ajakamej uan maseualmej katli amo kualmej, onkas miak tlaseuilistli ipan Tlaltipaktli. ToTeotsij techiljuia ayokmo kema techmajmatisej (Miqueas 4:4).
ToTeotsij kitsontlamiltis kokolistli uan mikilistli
“ToTeko Dios mochantik ininuaya itlakauaj [...]. Uan toTeko kinuachilis nochi ininixayo. Uan ayok kema aki mikis, niyon mokuesos, niyon chokas, niyon mokokos” (APOCALIPSIS 21:3, 4).
Ayokmo timokokosej yon titlaijiyouisej pampa toTeotsij kitlamiltis nochi tlen kichijtokej Satanás, Adán uan Eva, uan tlen pano pampa titlajtlakolejkej. Teipa “ayok kema aki mikis” uan maseualmej katli kiiknelisej uan kineltokasej toTeotsij kipiasej nemilistli tlen axkema tlamis. Uan, ¿kanke itstosej maseualmej?
ToTeotsij kichiuas ni Tlaltipaktli se xochimili
“Pakis nopa uaktok tlali uan kampa tlatsitsika pampa xochiouasej keja se yejyektsi xochitl” (ISAÍAS 35:1).
Kema toTeotsij kitsontlamiltis tlen amo kuali, Tlaltipaktli mochiuas se xochimili. Kampa ueli elis tlauel tlayejyektsi, onkas miak xochitl, xiuitl uan onkas miak tlakualistli (Salmo 72:16). Ipan ueyi atl, ipan lagos uan ipan ueyatl, nopa atl ayokmo elis sokiyo uan itstosej miakej michimej. Uan uelis ayokmo kema tikijtosej sokiyo Tlaltipaktli. Maseualmej kichijchiuasej ininchaj uan nopaya itstosej. Amo aka tlaijiyouis pampa nochi kipiasej tlen kikuasej uan kampa itstosej (Isaías 65:21, 22).
ToTeotsij kinyolkuis katli miktokej
“ToTeko kinyolitia tlakamej tlen ya miktokej” (HECHOS 24:15).
¿Mitspaktiskia sampa tikinitas mochampoyouaj uan mouampoyouaj katli ya mijkej? ToTeotsij kinyolkuis uan kinkauas ma itstokaj ipan se yejyektsi Tlaltipaktli. ¡Tlauel inyolpakisej kema inmoitasej! Biblia kiijtoua moyolkuikej konemej uan katli ya uejueyij, uan inijuantij sampa kinitakej ininchampoyouaj. Uan Jesús nojkia kinyolkuik se keskij maseualmej, uan kema kichijki nopa tlamantli, miakej maseualmej kiitakej (Lucas 8:49-56; Juan 11:11-14, 38-44).
Tlen nojkia mitspaktis tikitas
¡XITLACHIXTOKAJ!
Ipan ni tonali tlen tlauel ouij: Ximotemachi teipa kuali tiitstos
Biblia techpaleuia ma tikixnamikikaj tlaouijkayotl uan techpaleuia ma timotemachikaj teipa kuali tiitstosej.
TLEN BIBLIA KINANKILIA
¿Tlake kiijtosneki moyolkuisej katli miktokej?
Uelis timosentlachilis kema tikitas ajkia inijuantij moyolkuisej.
TLAMACHTILI TLEN TLAUEL IPATI
¿Tlake kinpano katli mikij?
Biblia kiijtoua asis se tonali kema miakej maseualmej moyolkuisej, kiampa kej kiyolkuikej Lázaro.
TLEN BIBLIA KINANKILIA
¿Tlake mitspaleuis tikijiyouis tlen mitspano?
Biblia uelis mitspaleuis kuali xiitsto ipan ni tonali, uan nojkia mitspaleuis ximotemachi ipan tlen tijchia tijselis teipa.
TIMOSENTLALISEJ TITLAMACHTISEJ
Xikita kenijkatsa titlamachtiaj
Xijtlajtlani ma mitsmachtikaj ika Biblia uan kiampa tijyekojtias miak tlamantli.
