¡XITLACHIXTOKAJ! Pilamochtsi 1, 2020 | Amo xijkaua ma mitstetsopa tekipacholi
Maske onka miak tekipacholi, nojkia onka se keski tlamantli tlen techpaleuia amo tlauel timotetsopasej.
¿Mitstetsopa miak tekipacholi?
Onka miak tlamantli tlen uelis tijchiuas uan kiampa amo tlauel mitstetsopas tekipacholi.
¿Tlake mitstetsopa?
Xikita tlake kichiua ma mitstetsopa tekipacholi uan xikita tlaj se tlen ni tlamantli mitstlanauia.
¿Kenke timotetsopaj?
Totlakayo kichiua ma tijmatikaj se tlenijki techtetsoptok. Kema uejkaua tlauel techtetsoptok se tlenijki o nochipa kiampa techpano, uajka techtlanauia.
¿Kenijkatsa uelis tijtlanis tlen mitstetsopa?
Nika kiijtoua se keski tlamantli tlen mitspaleuis amo tlauel ma mitstetsopa tekipacholi uan amo ma mitstlani.
Tekipacholi ayokmo mitstetsopas
Tojuantij amo tiuelij tijtlamiltiaj nochi tekipacholi tlen techtetsopa pampa san tielij timaseualmej. ToTeotsij, katli techchijchijki, kena uelis kitlamiltis.
‘Katli kipia tlasejseltili ipan iyolo kipias yolistli’
Ni tlajtoli ijkuilijtok ipan Proverbios 14:30. Uan maske panotok se tres mil xiuitl kema moijkuilok, kinextia kenijkatsa tlauel techpaleuia tlen Biblia tetlalnamiktia.
