Kema tikixnamikij se tlaouijkayotl uelis kichiuas ma timokokokaj o amo kuali ma tiitstokaj.

• Maseualmej tlauel mokuesouaj kema pano tlen amo kuali, uan kema uejkaua mokuesojtokej, kichiua nima ma mokokokaj.

• Kemantika, tepajtianij amo uelij kinpajtiaj nochi katli mokokouaj uan amo nochi kinaxilia pajtli.

• Nojkia, kemantika maseualmej amo uelij kikouaj tlen moneki, kej tlakualistli uan pajtli, pampa amo kinaxilia inintomij.

• Kema tlauel timokokoua uan timotetsopa uelis amo tijmatis tlake tijchiuas uan amo kuali tijtlapejpenis kenijkatsa timopajtis. Uan nopa uelis kichiuas nojua tlauel ximokoko.

• Tlaj timokokoua uan amo nima timopajtia, nopa kokolistli uelis moueyilis o mitspanos tlen amo kuali.

• Tlaj amo timokokoua, mitspaleuis kuali tijtlapejpenis tlen tijchiuas kema tikixnamikis se tlaouijkayotl.

• Maske uelis amo tijpia miak tomij, uelis tijchiuas se keski tlamantli tlen mitspaleuis amo timokokos.

Se akajya katli tlalnamiki nochipa kiita tlake ueliskia kipanos uan tlake uelis kipaleuis kuali ma itsto. Yeka, tlaj amo tijneki tlauel timokokos o tijpias se kokolistli, xijchiua kampeka amo tiitstos tisokiyo uan amo ma elto tlasokiyo kampa tiitstok. Tlaj timomokuitlauis, amo monekis tlauel timopajtis.

“Amo tijtekiuiaj miak tomij tlen ika timopajtiaj pampa tijchiuaj kampeka amo tiitstosej tisokiyojkej uan nojkia amo tlasokiyo kampa tiitstokej” (Andreas). a