¿Kenijkatsa uelis tijnextisej tlatlepanitakayotl ika tojuantij?
¿KENKE MONEKI TIMOPATIITASEJ?
Katli mopatiitaj ueli kiixnamikij se tlaouijkayotl uan kichiuaj kampeka kisenkauasej se kuesoli.
-
Ixtlamatinij kiijtouaj katli moiljuiaj amo ininpati, peua tlauel motetsopaj, mokuesouaj miak tonali, uan tlauel tlakuaj o amo tlakuaj. Nojkia, tlauel kinekij tlaisej, kitekiuisej miak pajtli o kitekiuiaj drogas.
-
Katli mopatiitaj amo kiitaj tlen inijuantij kichiuaj ika tlen sekinok kichiuaj, yeka kuali mouikaj ininuaya sekinok uan mouampojchiuaj ininuaya. Uan katli amo mopatiitaj, tlauel teijilnamikij, yeka mokualaniaj ininuaya sekinok.
-
Katli mopatiitaj, uelij kiijiyouiaj se kuesoli uan nojua kichiuaj kampeka kitlamichiuasej tlen mosentlalijtokej. Pero katli amo mopatiitaj, maske amo tlauel ouij tlen kinpano, kiitaj kej se ueyi kuesoli uan moiljuiaj amo uelis kisenkauasej.
¿TLAKE UELIS TIJCHIUAS?
Xikintemo mouampoyouaj katli uelis mitspaleuisej. Ximouampojchiua ininuaya katli tlatlepanitaj, katli kintekipachoua tlen mitspano uan katli mitspaleuisej xijchiua tlen kuali.
Xikinpaleui sekinok. Tlaj tijnextia tijpia kuali moyolo uan tikinpaleuia sekinok maske amo uelis mitskuepilisej se tlenijki, kichiuas nelnelia xiyolpaki uan ximopatiita. Kiampa tijyolmatis maske amo mitstlaskamatilisej tlen tijchijki.
Xikinpaleui mokoneuaj ma mopatiitakaj. Uelis kiampa tijchiuas tlaj tikinkauas ma kisenkaua ininselti se keski kuesoli. Nopa kinpaleuis ma kisenkauakaj sekinok kuesoli tlen ouij. Nojkia, kinpaleuis ma mopatiitakaj kema nojua konemej uan kema motlamisej.
¿TLAKE KICHIUAJ JEHOVÁ ITLAJTOLTEMAKAUAJ?
Kema monechikouaj uan kinmachtiaj sekinok, kinpaleuiaj kuali ma itstokaj uan ma mopatiitakaj.
KEMA TIMONECHIKOUAJ SEJSE SEMANA
Kema timonechikouaj sejse semana, tijkakij tlamachtili tlen mokixtijtok ipan Biblia. Nopaya techiljuiaj kenijkatsa uelis timopatiitasej. Tlaj tias ipan nopa tlanechikoli, amo mitsinamasej uan uelis nochi yasej. Nopaya tijyekos. . .
-
... kenke Dios mitspatiita.
-
... kenijkatsa uelis tiyolpakis.
-
... tlake mitspaleuis kuali ximouika ininuaya sekinok.
Nopaya nojkia uelis tikinpantis kuali mouampoyouaj katli nelnelia teikneliaj (1 Corintios 12:25, 26).
Tlaj tijneki tijmatis tlake tijchiuaj kema timonechikouaj, xikita ipan jw.org nopa video ¿Tlake tijchiuaj ipan Kali kampa timosentiliaj?
KEMA TITLAMACHTIAJ IKA BIBLIA
Kema titemachtiaj ika Biblia, tijtekiuiaj amochtli Nochipa xiitsto uan amo titlainamaj. Kipia tlajtlanili tlen mitspaleuis ximoiljui uan xijkuamachili textos tlen tlauel ipati. Nojkia, amo ouij kiixtoma tlamachtili, kipia videos uan yejyektsitsij tlaixkopinkayotl. Kema tikinmachtiaj maseualmej, kinpaleuia ma mopatiitakaj uan kuali ma itstokaj.
Tlaj tijneki tijmatis kenijkatsa mitspaleuis kema timomachtis ininuaya Jehová itlajtoltemakauaj, xikita ipan jw.org nopa video ¿Kenke moneki timomachtis Biblia?
Tlen nojkia mitspaktis tikitas
TLEN TIJCHIUAJ
Xitlajtlani ma mitspaxalokaj
Xijyeko tlake tlamachtia Biblia o kuali xikinixmati Jehová itlajtoltemakauaj.
TLEN TIJCHIUAJ
Ximosentili touaya
Xikita kenijkatsa timosentiliaj. Xijtemo kanke uelis tias timonechikoti nechka kampa ta tiitstok.
