Kampa peua
12 tlamantli tlen mitspaleuis xiyolpaki ininuaya mochampoyouaj
Maske ipan ni tonali miakej katli kipiaj ininsiua o ininueue ayokmo itstokej sansejko, sekij kena itstokej sansejko, ¿tijmati tlake kinpaleuijtok?
Ipan xiuitl 2000, ipan México, 52,358 maseualmej kiixpolojkej nopa amatl kampa nesi mosenkajtoyaj uan ipan 2016 nojua tlauel momiakilijkej pampa 139,807 maseualmej kiampa kichijkej.
Sekij ixtlamatinij kiijtouaj tetajmej moneki nochipa kiniljuisej ininkoneuaj kuali tlen kichiuaj, uan sekij kiijtouaj moneki nochipa kintlalnamiktisej. Tetajmej ayokmo kimatij tlake kichiuasej.
Kema telpokamej motlamij amo kimatij kenijkatsa tekitisej.
Maske kiampa pano...
... katli mosiuajtijtokej uan monamiktijtokej uelis itstosej nochipa sansejko uan yolpakisej.
... tetajmej uelis kintlalnamiktisej ininkoneuaj ika tlaiknelili.
... telpokamej uelis elisej temachmej pampa kimatisej tlake kinamiki kichiuasej.
¿Tlake kinpaleuijtok? Ipan ni pilamochtsi tikitas 12 tlamantli tlen mitspaleuis tiyolpakis ininuaya mochampoyouaj.