Ipan xiuitl 2023 nochi tijnekij kuali tiitstosej uan nojkia tijnekij tochampoyouaj kuali ma itstokaj. ¿Tlake techpaleuis ma timotemachikaj teipa kuali tiitstosej?

 Ipan Biblia ijkuilijtok kuali tlajtoli. Nopaya kiijtoua tlen nama techtekipachoua amo uejkauas uan nechka tlamis. Nochi tlen kiijkuilojkej ipan Biblia “kiijkuilojkej para techmachtis para uelis [...] techyolchikauas para ma tijchiakaj nochi tlen techiljuia para tijselisej teipa” (Romanos 15:4).

•   Tlaj nojua tijneki tijmatis kenijkatsa Biblia kiijtoua tiitstosej teipa, xijpoua ni tlamachtili “¡Teipa tlauel kuali tiitstosej!”.

 Tlen Biblia kiijtoua tijselisej teipa “eli kejuak se tepostli tlen moatsintlanoua” (Hebreos 6:19, Traducción del Nuevo Mundo). Tlen tijchiaj techpaleuia nama kuali ma tiitstokaj, ma tikijiyouikaj kuesoli, ma tijchiakaj tlen kuali uan nelnelia ma tiyolpakikaj. Xikita se keski tlamantli:

•   Tlaj tijneki tijmatis kenijkatsa tlen Biblia kiijtoua tlauel kipaleuik se tlakatl katli moiuintiyaya. Xikita nopa video Ayokmo nechpaktik kej nimonejnemiltiyaya.

•   Xikita kenijkatsa tlen Biblia kiijtoua tijselisej teipa techpaleuia kema miki se akajya katli tlauel tikikneliaj. Xikita nopa video Timoyolkuesouaj kema miki katli tikikneliaj.

 Maske miakej maseualmej moiljuiaj teipa kuali itstosej, amo onka se tlamantli tlen kichiua ma motemachikaj nelia kiampa panos. Uan tlen Biblia kiijtoua panos teipa, kena eli temachtli. ¿Kenke? Pampa kiijtojtok toTeotsij Jehová a “yajaya tlen axueli istlakati” (Tito 1:2). San ya kipia chikaualistli tlen ika uelis kichiuas tlen kiijtojtok; san ya “kichiua nochi tlen kineki kichiuas” (Salmo 135:5, 6).

 Ta uelis timotemachis tlen Biblia kiijtoua nelia mochiuas. Timitstlaneuij kuali ximomachti Biblia pampa nopa mitspaleuis ximotemachi nelia mochiuas tlen kiijtojtok (Hechos 17:11). Xikita kenijkatsa titlamachtiaj ika Biblia uan amo titlaxtlauas. ¡Ipan 2023 peua ximotemachi teipa kuali tiitstos!