¡KUALI XITLACHIXTOKAJ!
Chikuasej millones maseualmej mijkej ika COVID | ¿Tlake kiijtoua Biblia?
Organización Mundial de la Salud (OMS), kiijtok ipan mayo 23, 2022, ya miktoyaj 6,27 millones maseualmej pampa kipixkej COVID-19. Ipan mayo 5, 2022, kiijtokej miktoyaj tlauel miakej maseualmej. Ipan nopa tonali kiijtojkej ipan xiuitl 2020 uan 2021 “mijkej nechka 14,9 millones maseualmej katli kipixkej o amo kimatiyayaj tlaj kipiayayaj COVID-19”. ¿Tlake kiijtoua Biblia tlen ni tlamantli?
Biblia kiijtok onkaskia uejueyi kokolistli
Jesús kiijtok ipan “itlamia tonali” onkaskia “uejueyi kokolistli” (2 Timoteo 3:1; Lucas 21:11, Traducción en lenguaje actual).
Tlen Jesús kiijtok nelia moaxitia ipan ni tonali. Tlaj tijneki tijmatis sekinok tlamantli, xikita tlamachtili: “¿Tlake kinextia tiitstokej ipan ‘itlamia tonali’ o ‘kema tlamis tonali’?”.
Tlen Biblia kiijtoua techyolchikaua
“ToTeko Dios, [...] techtlasojtla uan ajachika techyoltlalia” (2 Corintios 1:3, 4).
Miakej tlauel kinpaleuijtok Biblia kema mijki se katli tlauel kiikneliyayaj. Xikita tlamachtili: “¿Tlake mitspaleuis ayokmo tlauel timokuesos? Tlen uelis tijchiuas” uan “¿Tlake kinpaleuis katli mokuesouaj pampa mijki katli tlauel kiikneliaj?”.
Biblia kiijtoua tlamis kokolistli
“Ma uala moTlanauatijkayo. Ma mochiua mopakilis ipan Tlaltipaktli, kej mochijtok iluikak” (Mateo 6:10, TNM).
Nechka, toTeotsij iTlanauatijkayo kichiuas ma moaxiti tlen kiijtoua Isaías 33:24: “Ayok kiijtosej para mokokouaj” (Marcos 1:14, 15). Tlaj nojua tijneki tijmatis tlake kichiuas toTeotsij iTlanauatijkayo, xikita video: “¿Tlake nopa toTeotsij iTlanauatijkayo?”.
Timitstlaneuij ximomachti tlen Biblia kiijtoua. Kiampa, ta uan mochampoyouaj inkimatisej tlake tetlajtolmaka uan kenijkatsa inmechpaleuis tlen toTeotsij kitenkajtok.
Tlen nojkia mitspaktis tikitas
TLEN BIBLIA KINANKILIA
¿Tlake mitspaleuis tikijiyouis tlen mitspano?
Biblia uelis mitspaleuis kuali xiitsto ipan ni tonali, uan nojkia mitspaleuis ximotemachi ipan tlen tijchia tijselis teipa.
TLAMACHTILI TLEN TLAUEL IPATI
¿Kenke toTeotsij kikaua ma onka tlaijiyouilistli?
Miakej maseualmej motlajtlaniaj kenke onka tlaijiyouilistli uan kenke miakej mokualankaitaj. Biblia techyolchikaua pampa kuali kiixtoma kenke titlaijiyouiaj.
TLEN BIBLIA KINANKILIA
¿Uelis nechyolchikauas tlen Biblia kiijtoua?
Miakej maseualmej amo kuali kiyolmatij uan kiixnamiktokej miak tlaouijkayotl. Maske kiampa kinpanotok, Biblia tlauel kinyolchikajtok.
SEKINOK TLAMACHTILI TLEN KISTIA
Kema miki katli tlauel tikikneliaj
Se keski tlamantli techpaleuis amo tlauel ma timokuesokaj pampa mijki katli tlauel tikikneliaj.
TLEN BIBLIA TLAMACHTIA
Xikita kenijkatsa titlamachtiaj
Xijtlajtlani ma mitsmachtikaj ika Biblia uan kiampa tijyekojtias miak tlamantli.
