Ipan enero 27, 2023, ipan nochi Tlaltipaktli moilnamiki tlen panok ipan Holocausto. Nochi nopa amo kuali tlamantli tlen panok kipia se 75 xiuitl, uelis kichiuas ximoiljui kenke toTeotsij kikajki ma pano nopa Holocausto.

•   Tlaj tijneki tijmatis tlake kiijtoua Biblia, xijpoua nopa tlamachtili “¿Kenke mochijki nopa Holocausto judío? ¿Kenke toTeotsij kikajki ma pano?”.

 Ipan Holocausto kintlatsakuiltijkej judíos, tlauel kintlaijiyouiltijkej uan tlauel miakej kinmiktijkej. Sekinok maseualmej katli amo eliyayaj judíos nojkia kinmiktijkej ipan Holocausto, kej Jehová itlajtoltemakauaj, katli kintlatsakuiltiyayaj pampa kichiuayayaj tlen Biblia kiijtoua.

•   Tlaj tijneki tijmatis tlake kiijtoua Biblia, xijpoua nopa tlamachtili “¿Tlake kinpanok Jehová itlajtoltemakauaj kema kintlaijiyouiltijkej ipan Holocausto?”.

 Miakej maseualmej majmauij pampa moiljuiaj uelis nojua panos se tlamantli kej nopa Holocausto. Pero tlauel techyolchikaua pampa Biblia kiijtoua amo kema sampa mochiuas se tlamantli kej nopa.

•   “‘Pampa na nijmati kuali nopa tlamantli tlen nijsenkajtok para inmojuantij’, kiijtoua TOTEKO. ‘Nijsenkajtok tlen kuali uan axtlen fiero, para nochi kisas kuali para inmojuantij teipa uan para inkiselisej tlen inkichiaj’” (Jeremías 29:11).

 Ni tlamantli mochiuas kema Jehová a kitsontlamiltis tlen amo kuali uan kichiuas nochi kuali ma tiitstokaj. ToTeotsij nechka kichiuas ni:

•   Kintsontlamiltis maseualmej katli kintlaijiyouiltiaj sekinok (Proverbios 2:22).

•   Kinchikauas nochi katli tlaijiyouijtokej uan kichiuas kuali ma kiyolmatikaj (Apocalipsis 21:4).

•   Kinyolkuis ipan Tlaltipaktli katli miktokej (Juan 5:28, 29).

 Uelis timotemachis nelia mochiuas tlen Biblia kiijtoua. Tlaj tijneki tijmatis kenke kiampa tikijtouaj, timitstlaneuij ximomachti Biblia touaya.