Ipan enero 24, 2023, ixtlamatinij kitlayakanaltijkej nopa Reloj del Juicio Final a uan kitlalijkej nechka tlajkoyoual, nopa kiixnextia nechka kitsontlamiltisej Tlaltipaktli.

•    “Ni martes, nopa Reloj del Juicio Final, tlen kiixnextia nochi kuesoli tlen mochiua ipan Tlaltipaktli, nojua tlauel kinechkauik tlajkoyoual, nopa hora kampa kiijtouaj kitsontlamiltisej Tlaltipaktli. Kiampa kichijkej pampa nojua moteuiaj ipan Ucrania, pampa moiljuiaj kimajkauasej bombas nucleares uan pampa nojua tlauel tlatotonia o tlaseseya” (Servicio internacional de noticias de la agencia AFP).

•   “Ixtlamatinij kiijtojkej ni martes kitlayakanaltijkej nopa Reloj del Juicio Final ma kiixnexti san poliui 90 segundos para tlajkoyoual. Amo kema tlauel kinechkauijtoyaj nopa hora kampa kiijtouaj kitsontlamiltisej Tlaltipaktli” (ABC News).

•    “Miakej ixtlamatinij katli kampa ueli euaj kiijtouaj maseualmej uelis nechka tlamiixpoliuisej. Amo kema kiampa moiljuijtoyaj” (The Guardian).

 ¿Nelia nechka kintsontlamiltisej maseualmej uan Tlaltipaktli? ¿Kinamiki timajmauisej? ¿Tlake kiijtoua Biblia?

 Biblia kiijtoua “ni tlaltipaktli [...] nochipa mokaua” uan nopaya maseualmej “itstosej para nochipa” (Eclesiastés 1:4; Salmo 37:29). Uajka, maseualmej amo kitsontlamiltisej Tlaltipaktli yon kichiuasej ayokmo aka ma itsto nikaj.

 Pero Biblia kiijtoua kena tlamis se tlamantli. Nopaya kiijtoua “panoti ni tlaltipaktli” (1 Juan 2:17).

•    Tlaj tijneki tijmatis tlake kiijtosneki kema Biblia kiijtoua tlamis ni Tlaltipaktli, xijpoua nopa tlamachtili “¿Se acerca el fin del mundo? ¿Qué es el apocalipsis?”.

•    Tlaj tijneki tijmatis kema kiijtoua Biblia panos se keski tlamantli ipan nochi Tlaltipaktli, xijpoua nopa tlamachtili “¿Cuándo será el fin del mundo?”.

 Biblia techpaleuia ma timotemachikaj teipa kuali tiitstosej maske mochiua tlen amo kuali ipan Tlaltipaktli. ¿Kenijkatsa techpaleuia?

•    Tlen Biblia techtlajtolmaka tlauel techpaleuia ipan tonemilis (2 Timoteo 3:16, 17). Se neskayotl, tlaj tijneki Biblia ma mitspaleui ximotemachi teipa kuali tiitstos maske tikixnamiki miak tlaouijkayotl, xijpoua nopa tlamachtili “¿Tlake techpaleuis amo tlauel timotekipachosej?”.

•    Biblia nojkia kiijtoua teipa uelis kuali tiitstosej (Romanos 15:4). Uan techiljuia kenijkatsa uelis tiitstosej nama uan teipa. Nopa techpaleuia amo ma timajmauikaj ika tlen pano ipan nochi Tlaltipaktli.

 Tlaj tijneki ma mitspaleui tlen Biblia kiijtoua, timitstlaneuij ximomachti touaya.