Ipan xiuitl 2022, motekiuik se 2,24 billones de dólares ipan tlauilankayotl. Tlauel miak motekiuik pampa mochiua tlauilankayotl ipan Rusia uan Ucrania. Ipan abril, 2023, SIPRI Stockholm International Peace Research Institute (Instituto Internacional de Estudios para la Paz de Estocolmo), kiijtok ipan se amochtli tlen panok ipan 2022:

•   Soldados ipan Europa nama kitekiuijkej 13% más tomij uan amo kej tlen motekiuik ipan sekinok tlauilankayotl tlen mochijki uejkajkia.

•   “Rusia kisosolok se 9,2% más tomij”. Achtouia mokauayaya ipan número 5 tlen nopa altepemej katli tlauel kisosolouayayaj tomij, nama eli número 3.

•   Estados Unidos nojua eli nopa achtoui altepetl katli tlauel kisosoloua tomij kema mochiua tlauilankayotl: “kisosoloua se 39% tomij tlen motekiuia ipan nochi Tlaltipaktli kema mochiua tlauilankayotl”.

 Nopa ixtlamatketl Nan Tian (nojkia tlapaleuia ipan SIPRI), kiijtok: “Nojua tlauel motekiuia miak tomij kema mochiua tlauilankayotl. Ni kinextia ipan nochi Tlaltipaktli momiakilijtia tlen amo kuali”.

 Biblia kiijtoua ipan ni tonali moteuiskiaj altepemej katli kipiaj miak tlanauatili. Uan nojkia kiijtoua tlake tlapaleuis ma onka tlaseuilistli.

•   Biblia kiijtoua tiitstokej ipan itlamia tonali (Daniel 8:19).

•   Amochtli Daniel kiijtok ipan ni tonali moteuiskiaj miakej altepemej katli kipiaj miak tlanauatili. Ni altepemej moteuiskiaj pampa kinekiskiaj tlanauatisej o tlayakanasej. Kema kiampa kichiuaskiaj kisosoloskiaj miak tomij o “ricojyotl” (Daniel 11:40, 42, 43).

 Tlaj tijneki tijmatis sekinok tlamantli tlen ni tlajtolpanextili, xikita nopa video Kej moaxitijtok tlajtolpanextili: Daniel 11.

•   Biblia kiijtoua Dios kintekipatlas tlanauatianij. “Toteko Dios tlen itstok iluikak kiketsas se tlanauatilistli kampa itlakauaj tlen axaka uelis kisemanas, niyon axkikauas nopa itlanauatilis ika seyok. Uan axaki uelis kitlanis nopa tlanauatijketl tlen Toteko Dios kitlalis para nochipa. Itlanauatijkayo kintlamiltis nochi sekinok tlanauatianij uan inintlanauatijkayo, uan ayok tleno mokauas tlen ne sekinok. Nopa tlanauatilistli uan nopa tlanauatijketl tlen Toteko kitlalijtos uejkauas para nochipa” (Daniel 2:44).

•   Jehová a nechka kichiuas ma tiitstokaj ika tlaseuilistli, nopa amo uelij kichiuaj maseualmej. ¿Kenijkatsa kichiuas? ITlanauatijkayo tlen eltok iluikak, kichiuas ayokmo aka ma mosisini uan ayokmo aka tlateuis (Salmo 46:8, 9).

 Tlaj tijneki tijmatis sekinok tlamantli tlen toTeotsij iTlanauatijkayo kichiuas, xikita nopa tlamachtili “ToTeotsij iTlanauatijkayo kichiuas ma onka tlaseuilistli”.