Ipan nochi Tlaltipaktli tlauel tlatotonia, amo kema kiampa panotoya. Nojkia panotok sekinok tlamantli tlen amo kuali pampa tlauel tlatotonia. Xikita tlen kiijtojkej ni maseualmej:

•   “Ipan nochi Tlaltipaktli tlauel tlatotonixki ipan metstli junio. Ixtlamatinij amo kiitstoyaj tlauel tlatotonixtoya ipan 174 xiuitl tlen panotok” (Oficina Nacional de Administración Oceánica y Atmosférica, Departamento de Comercio de Estados Unidos, julio 13, 2023).

•   “Ipan Italia, España, Francia, Alemania uan Polonia tlauel tlatotonia, uan ueliskia asis 48 grados centígrados ipan Sicilia uan Cerdeña. Uelis amo kema kiampa tlatotonixtoya ipan Europa” (Agencia Espacial Europea, julio 13, 2023).

•   “Ipan Tlaltipaktli nojua tlauel tlatotonixtias, yeka timoiljuiaj más chikauak tlakiauis uan más tlaauetstias. Nopa nojkia kichiuas ma tlatemi” (Stefan Uhlenbrook, katli kiyakana Sección de Hidrología, Recursos Hídricos uan Criosfera de la Organización Meteorológica Mundial, julio 17, 2023).

 ¿Timotekipachoua kema maseualmej kiijtouaj pano tlen amo kuali pampa tlauel tlatotonia? Xikita tlake kiijtoua Biblia pampa kiampa pano.

 Kena. Kema tlauel tlatotonia uan pano sekinok tlamantli tlen ouij ipan Tlaltipaktli, kichiua ma moaxiti tlen Biblia kiijtoua panoskia ipan ni tonali. Se neskayotl, Jesús kiijtok tikitaskiaj “tlamantli tlen temajmati” (Lucas 21:11). Miakej momajmatiaj pampa nojua tlauel tlatotonixtia uan moiljuiaj maseualmej kitsontlamiltisej ni Tlaltipaktli.

 Amo. ToTeotsij kichijchijki ni Tlaltipaktli pampa kinekiyaya nochipa ma tiitstokaj nopaya uan amo kinkauilis maseualmej ma kitsontlamiltikaj (Salmo 115:16; Eclesiastés 1:4). Ya kiijtok kintsontlamiltis katli tlaxoleuaj “ipan tlaltipaktli” (Apocalipsis 11:18).

 Biblia kiijtoua toTeotsij amo kikauas ma pano tlen tlauel amo kuali ipan Tlaltipaktli pampa tlauel tlatotonias o tlaseseyas.

•   “Kema tlaauetsiyaya uan tlaajakayaya chikauak, [Dios] kitlakaualtik nopa ueyi atl para ma ayok molini” (Salmo 107:29). Ika ichikaualis, toTeotsij ueli kichiua ayokmo ma tlatotonia yon ma tlaseseya. Uan kikualtlalis nochi tlamantli tlen kintlaijiyouiltia maseualmej ipan Tlaltipaktli.

•   “Ta tikatekia ni tlaltipaktli para ma tlaelilti” (Salmo 65:9). ToTeotsij kichiuas ni Tlaltipaktli ma eli se yejyektsi xochimili.

 Tlaj tijneki tijmatis sekinok tlamantli kampa Biblia kiijtoua ayokmo tlatotonias, xikita nopa tlamachtili “¿Quién salvará el planeta?”.