Ipan mayo 19, 2022, ipan se tlanechikoli tlen kichijki nopa Consejo de Seguridad de la ONU, kampa itstoyaj kipano 75 tekichiuanij katli tlauel kinixmatij, moijtok “maske ya onka mayantli pampa miakej mokokojkej ika COVID-19 uan pampa kanajya tlauel tona o tlauel tlaseseya, nopa tlauilankayotl tlen onkatok ipan Ucrania nojua uelis kichiuas ma onka mayantli ipan nochi Tlaltipaktli”. Teipa, pilamochtsi The Economist kiijtok maske nama onka miak tlamantli tlen amo kuali, nopa tlauilankayotl tlen mochijtok ipan Ucrania uelis kichiuas nojua ma onka se ueyi mayantli ipan nochi Tlaltipaktli. Biblia ipa kiijtojtoya ipan ni tonali onkaskia mayantli, uan nojkia kiijtoua tlake techpaleuis amo tlauel ma timotekipachokaj.

•    Jesús kiijtok: “Tlanauatianij uan ininsoldados tlateuisej ininuaya sekinok tlanauatianij uan ininsoldados. [Nojkia,] onkas [...] ueyi mayantli” (Mateo 24:7).

•    Ipan pilamochtsi Apocalipsis kiijtoua tlen nauij katli yauij kauayojtipa tlen san kiixnextiaj se tlamantli. Se kiixnextia tlauilankayotl uan katli yaui itepotsko kiixnextia mayantli. Nopa tlajtolpanextili kiijtoua asiskia se tonali kema amo onkaskia miak tlakualistli uan tlauel tlapatio eliskia. “Uan nikitak se kauayo yayauik, uan yajaya tlen tlejkotoya ipani kipixtoya imako se balanza tlatlamachiuali. Uan nijkajki se tlen kamatki [...], uan kiijtok: ‘Tlauel ouij para tlakamej mopanoltisej pampa nochi tlapatio. Se kilo trigo o eyi kilos cebada ipati tlen se tlakatl ueli kitlani ipan se tonal tekitl’ ” (Apocalipsis 6:5, 6).

 Ipan ni tonali moaxitia ni tlajtolpanextili kampa kiijtoua onkaskia mayantli, uan Biblia kiijtoua eli “itlamia tonali” (2 Timoteo 3:1). Tlaj tijneki tijmatis tlake kiijtosneki “itlamia tonali” uan kenijkatsa nejnentiauij nopa kauayojmej tlen kiijtoua ipan Apocalipsis, xikita nopa video Ipan 1914 mopatlak miak tlamantli ipan Tlaltipaktli uan xijpoua nopa tlamachtili “¿Qué representan los jinetes del Apocalipsis?”.

•    Biblia kiijtoua tlake uelis techpaleuis ipan ni tonali tlen tlauel ouij, pampa nama tlauel tlapatiyo uan amo onka miak tlakualistli. Uelis tikitas tlen Biblia kiijtoua ipan nopa tlamachtili “Cómo vivir con menos”.

•    Biblia nojkia techpaleuia ma timotemachikaj teipa kuali tiitstosej. Nopaya kiijtoua teipa nochi tijpiasej tlen kikuasej uan amo aka mayankamikis (Salmo 72:16). Tlaj nojua tijneki tijmatis tlen toTeotsij mosentlalijtok kichiuas uan kenke uelis timotemachisej nelia moaxitis, xijpoua nopa tlamachtili “¡Teipa tlauel kuali tiitstosej!”.