Miakej maseualmej ipan nochi Tlaltipaktli tlauel ouij kimatij kipiasej tlen ika mopanoltisej uan nojua tlauel ouij eltia.

•   Namanok tematiltijkej, a maseualmej ayokmo ueli kikouaj miak tlamantli ika nopa tomij tlen kitlanij. Nojkia kiijtojkej tlaj nojua kiampa panotos, “nojua momiakilisej katli amo tleno kipiaj uan katli tlatominpiaj nojua más tlatominpiasej”, uan “sekij nojua tlauel amo kuali itstosej”.

 ¿Uelis tekichiuanij kitlamiltisej ni kuesoli o kichiuasej más kuali ma tiitstokaj?

 Biblia kiijtoua onka se tlanauatijkayotl tlen uelis kichiuas nochi ma tijpiakaj tlen ika timopanoltisej uan kuali ma tiitstokaj. Nopaya kiijtoua “toTeko Dios tlen itstok iluikak kiketsas se tlanauatilistli”, kitlalis setsi Tlanauatijkayotl tlen kinauatis nochi Tlaltipaktli (Daniel 2:44). Nopa Tlanauatijkayotl nochi kinpaleuis (Salmo 9:18). ToTeotsij iTlanauatijkayo kichiuas ma yolpakikaj nochi katli kinnauatis. Nochi tlauel yolpakisej pampa kipiasej se kuali tekitl uan nojkia tlen ika mopanoltisej (Isaías 65:21, 22).