Miakej maseualmej moiljuiaj sekinok nochipa techikoitasej.

•   “Maseualmej techikoitaj ipan escuelas uan kampa ueli. Nopa kichiua mojmostla amo sanse ma kinitakaj sekinok” (António Guterres, secretario general tlen Naciones Unidas).

 ¿Uelis se tonali maseualmej ayokmo techikoitasej? ¿Tlake kiijtoua Biblia?

 Biblia kiijtoua kenijkatsa kinita toTeotsij maseualmej katli kampa ueli euaj.

•   “[ToTeotsij] kinchijki nochi tlamantli tlakamej ipan nochi tlaltinij ipan ni tlaltipaktli ika san se inineso pampa ualajkej tlen san se tlakatl” (Hechos 17:26).

•   “Toteko axtechchikoiknelia titlakamej. Uan ipan kampa ueli tlali yajaya kinselia nopa tlakamej tlen kitlepanitaj uan tlen kichiuaj tlen kuali” (Hechos 10:34, 35).

 Biblia kiijtoua nochi maseualmej tiualauij tlen sanse tlakatl, uan toTeotsij kinselia nochi maseualmej maske amo sanse kampa euaj.

 ToTeotsij iTlanauatijkayo kichiuas ayokmo aka ma techikoita. Nopa tlanauatijkayotl kinnextilis maseualmej kenijkatsa mouikasej ininuaya sekinok. Uan nopaya maseualmej ayokmo kinchikoitasej sekinok yon ipan ininyolo.

•   Ipan Tlaltipaktli maseualmej “kichiuasej tlen xitlauak” (Isaías 26:9).

•   “Uan pampa nochi kichiuasej tlen xitlauak, onkas tlaseuilistli uan nochi itstosej ika temachili para nochipa” (Isaías 32:17).

 Ipan ni tonali miakej maseualmej kiyekojtokej ika Biblia kenijkatsa kinpatiitasej sekinok uan kinitasej ika tlatlepanitakayotl.

•   Tlaj tijneki tijmatis sekinok tlamantli xijpoua nopa pilamochtsi ¡Xitlachixtokaj! tlen itoka “¿Asis se tonali kema ayokmo techikoitasej?”.

•   Tlaj tijneki tijmatis kenijkatsa tetajmej uelis kamanaltisej tlen ni tlamantli ika ininkoneuaj, xijpoua nopa tlamachtili “¿Kenijkatsa tikiniljuis mokoneuaj kenke maseualmej mochikoitaj?”.