Maseualmej moyolkokojtokej pampa katli ipan motemachiyayaj kinkajkayajtokej:

•    Tekichiuanij motekipachouaj san ipan inijuantij uan amo ipan maseualmej.

•    Tlen pano ipan noticias amo kiijtouaj tlen melauak.

•    Ixtlamatinij amo tleno kichiuaj para kinpaleuisej maseualmej.

•    Katli tlayakanaj ipan religiones mokalakiaj ipan política uan amo kiueyichiuaj Dios kej kinamiki.

 Moneki kuali tikitasej ipan ajkia timotemachisej. Biblia kiijtoua:

•    “Amo ximotemachikaj ipan uejueyij tlakamej tlen kipiaj tekiuejkayotl, niyon ipan se tlen ueli tlakatl pampa niyon se tlakatl axuelis mitsmakixtis” (Salmo 146:3).

  Biblia kiijtoua uelis timotemachisej ipan: Jesús. Ya amo san kichijki kuajkuali tlamantli kema itstoya ipan Tlaltipaktli. Biblia kiijtoua Jesús “nochipa tlanauatis [...]. ITlanauatijkayo amo kema tlamis” (Lucas 1:32, 33). Dios kitekimakatok Jesús ma tlanauati ipan iTlanauatijkayo uan tekichiua ipan iluikak (Mateo 6:10).

•    Tlaj tijneki tijmatis kenke uelis timotemachis ipan Jesús, xijpoua ni tlamachtili “¿Ajkia tekichiuas ipan toTeotsij iTlanauatijkayo?” uan “¿Tlake kichiuas toTeotsij iTlanauatijkayo?”