1. Jehová, tlaskamati

pampa kuali moyolo.

Nochipa titechteochiua

uan titechpaleuia.

Tijtitlanki Jesús

pampa titechtlasojtla,

yeka nama tiitstokej

ika tlaseuilistli.

2. Jehová, ta nochipa

kuali titechmachtia.

MoTlajtol techpaleuia,

nochipa techyakana.

Maske nama onka

miak tlaouijkayotl,

ta nochipa titechmaka

miak tlaseuilistli.

3. Ipan ni tonali,

ta titechpaleuia

sansejko ma tiitstokaj

ika tlaseuilistli.

Nechka ta tijchiuas

ipan ni Tlaltipaktli

se yejyektsi xochimili,

kampa tiyolpakisej.