UIKATL 95
Nama tijmatij tlen melauak
(Proverbios 4:18)
-
1. Jehová uejkajkia kiijtojtoya
kititlaniskia Mesías.
Kiampa ueliskiaj momakixtisej
nochi tlen kineltokaskiaj.
Jesús ualajki kej Jehová kiijtok,
uan nama ya tekichiua.
Iluikaeuanij tlauel yolpakij
pampa tijmatij tlen melauak.
(TLEN MOOMPAUIA)
Nama tijmatij tlen melauak,
Jehová kuali techmachtijtok.
Jehová nochipa techyakana,
yeka tlauel tiyolpakij.
-
2. ToTeko Jesús kitlapejpenijtok
se kuali tlatekipanojketl,
katli nochipa kuali techyakana
uan techmachtia tlen melauak.
ToTeotsij kichijtok ma momoyaua
nopa kuali tlamachtili.
¡Tlauel tijtlaskamatiliaj Jehová
pampa techmaka itlamachtil!
(TLEN MOOMPAUIA)
Nama tijmatij tlen melauak,
Jehová kuali techmachtijtok.
Jehová nochipa techyakana,
yeka tlauel tiyolpakij.
(Nojkia xikita Rom. 8:22; 1 Cor. 2:10; 1 Ped. 1:12).
