Ipan Biblia onka se tlajtoli ika griego tlen motlajtolkuepa kej “teopamitl o iglesia”, maske kiampa kitlajtolkuepkej ni tlajtoli ika griego kiijtosneki se keskij maseualmej katli monechikouaj uan amo se kali kampa mosentiliaj.

 Kema apóstol Pablo kintlajkuiljuilik Cristo itokilijkauaj tlen itstoyaj altepetl Roma, kintlajpalok Áquila uan Priscila, uan kiijtok: “Xikintlajpalokaj nopa tlasentilistli tlen toikniuaj tlen mosentiliaj ipan ininchaj” (Romanos 16:5). Ipan ni texto nesi kenijkatsa Pablo kintlajpalok maseualmej katli mosentiliyayaj ipan nopa kali. a

 Yeka tojuantij amo tijtokaxtiaj teopamitl kampa timosentiliaj, tojuantij tikiljuiaj Kali kampa mosentiliaj Jehová itlajtoltemakauaj.

 Kiampa tijtokaxtiaj pampa:

•   Timosentiliaj ipan se kali.

•   Kampa timosentiliaj tijueyichiuaj Jehová, yaya toTeotsij katli melauak kej Biblia kiijtoua, uan nojkia pampa titemachtiaj itoka (Salmo 83:18, TNM; Isaías 43:12).

•   Nojkia timosentiliaj pampa tijnekij timomachtisej tlen Jesús tlamachtiko, nopa toTeotsij iTlanauatijkayo (Mateo 6:9, 10; 24:14; Lucas 4:43).

 Timitstlaneuij ximonechikoti ipan se Kali kampa mosentiliaj Jehová itlajtoltemakauaj nechka mochaj uan kiampa tikitas tlake tijchiuaj nopaya.