Maske nopa ueyi kali Betel kampa kinyakanaj Jehová itlajtoltemakauaj ipan nochi Tlaltipaktli eltok ne Estados Unidos, toreligión amo uala tlen Estados Unidos yon amo se secta. Ma tikitakaj kenke.

•   Se secta kiijtosneki kema se keskij maseualmej moxelojkej tlen se religión. Jehová itlajtoltemakauaj amo moxelojtokej tlen se religión. Tojuantij tijnekij titlaneltokasej kej nopa achtoui Cristo itokilijkauaj.

•   Jehová itlajtoltemakauaj itstokej ipan kipano 230 uejueyi altepemej uan pilaltepetsitsij. Uan maske kampa ueli tieuaj, tijneltokaj san Jehová uan Jesucristo, uan amo nopa tlanauatijketl tlen Estados Unidos o seyok (Juan 15:19; 17:15, 16).

•   Tijneltokaj tlen Biblia tlamachtia, uan amo tlen kiijtoua se maseuali katli itstok Estados Unidos (1 Tesalonicenses 2:13).

•   Tojuantij tijtokiliaj Cristo, amo se maseuali (Mateo 23:8-10).