Amo. Pampa sejse maseuali kitlapejpenia tlaj kitekipanos toTeotsij (Romanos 14:12). Jehová itlajtoltemakauaj kinmachtiaj ininkoneuaj tlen Biblia kiijtoua. Maske kinmachtiaj, kema moskaltiaj moneki inijuantij kitlapejpenisej tlaj mochiuasej Jehová itlajtoltemakauaj (Romanos 12:2; Gálatas 6:5).

 Jehová itlajtoltemakauaj kinekij ininkoneuaj kuali ma itstokaj kej nochi tetajmej kinekij. Kinmachtiaj tlen uelis kinpaleuis ipan ininnemilis: kenijkatsa kuali itstosej uan tlaj kineltokasej tlen Biblia kiijtoua. Jehová itlajtoltemakauaj motemachiaj tlen Biblia tlamachtia techpaleuia kuali ma tiitstokaj yeka kichiuaj kampeka kinpaleuisej ininkoneuaj, momachtiaj sansejko uan yauij ipan tlanechikoli kampa mosentiliaj Jehová itlajtoltemakauaj (Deuteronomio 6:6, 7). Kiampa, kema konemej uejueyiyasej kimatisej miak tlamantli tlen kinpaleuis ma kitlapejpenikaj tlaj kineltokasej tlen inintatauaj kineltokaj.

•  ¿Jehová itlajtoltemakauaj kinkuaaltiaj ininkoneuaj kema pilkonetsitsij?

•  ¿Jehová itlajtoltemakauaj ayokmo kinikneliaj ininkoneuaj tlaj amo kinekij moatsonpoliuiltisej?

•  ¿Kenke Jehová itlajtoltemakauaj kinuikaj ininkoneuaj kema tlajtolmoyauaj?

•  ¿Nojkia iljuichiuaj Jehová itlajtoltemakauaj kej maseualmej momajtokej kichiuaj?

•  ¿Kenijkatsa kiyolmatij ininkoneuaj Jehová itlajtoltemakauaj?

 Amo, pampa Biblia amo kiijtoua tetajmej moneki kinkuaaltisej ininkoneuaj kema pilkonetsitsij. Ipan achtoui siglo, kema tlaneltokanij kikajkej nopa kuali tlamachtili, “kineltokakej”, moyolkuepkej uan teipa moatsonpoliuiltijkej (Hechos 2:14, 22, 38, 41). Ni technextilia tlaj se akajya kineki moatsonpoliuiltis achtoui moneki kikuamachilis tlen Biblia tlamachtia, kineltokas uan monejnemiltis kej Biblia tetlajtolmaka. Uan se konetsi amo ueliskia kichiuas ni tlamantli.

 Nopa konetl kitlapejpenis tlaj moatsonpoliuiltis teipa. Tlaj kiampa kinekis kichiuas moneki kimatis kenke kineki moatsonpoliuiltis.

 Amo. Maske tetajmej mokuesosej tlaj se ininkone amo kineltokas tlen inijuantij kineltokaj, ni amo kiijtosneki ayokmo kiiknelisej. Inijuantij nochipa kuali kinojnotsasej maske amo mochiuas se tlen Jehová itlajtoltemajkauaj.

 Onka miak tlamantli. a

•   Biblia kiijtoua tetajmej moneki kinmachtisej ininkoneuaj tlen toTeotsij uan ma kiueyichiuakaj (Efesios 6:4). Tlaj tijnekij tijueyichiuasej toTeotsij moneki tikinmachtisej sekinok maseualmej tlen tijneltokaj, yeka tlauel ipati tetajmej ma tlajtolmoyauakaj ininuaya inikoneuaj (Romanos 10:9, 10; Hebreos 13:15).

•   Biblia kiniljuia telpokamej ma “kiueyichiuakaj iToka toTeko” (Salmo 148:12, 13, La Biblia Latinoamérica, 2011). Yeka tlauel ipati tikinmachtisej sekinok tlen toTeotsij pampa kiampa tijueyichiuaj. b

•   Kema konemej tlajtolmoyauaj ininuaya inintatauaj kiyekouaj miak tlamantli. Tlauel kinpaleuia pampa kiyekouaj kenijkatsa monojnotsaj ininuaya sekinok maseualmej. Nojkia kinpaleuia ma tetlasojtlakaj, ma tlatlepanitakaj, kuali ma tenojnotsakaj uan ma kinchiuilikaj sekinok tlen kuali maske amo tleno kinmakasej. Nojkia kuali kiixmatij tlen Biblia tlamachtia uan kuali motemachiaj ipan tlen kineltokaj.

 Jehová itlajtoltemakauaj amo kichiuaj iljuitl tlen toTeotsij amo kipaktia, kej tlen kichiuaj ipan sekij religiones o sekinok iljuitl (2 Corintios 6:14-17; Efesios 5:10). c Amo tiiljuichiuaj kema tikaxitiaj toxiui niyon Navidad pampa nopa tlamachtili amo uala ipan Biblia.

 Techpaktia tiitstosej ininuaya tochampoyouaj uan tikintlamajmakasej tokoneuaj. Amo tijchiuaj san tlen calendario kiijtoua kema moneki timosentilisej uan timotlamajmakasej, tojuantij timosentiliaj kema tijnekij uan timotlamajmakaj tlen ueli tonali.