Istlakatili: Jehová itlajtoltemakauaj amo iljuichiuaj ipan Domingo de Pascua pampa inijuantij amo Cristo itokilijkauaj.

 Tlen melauak: Tikitaj Jesucristo kej toTlamakixtijka uan tijchiuaj kampeka timonejnemiltisej kej ya kichijki (1 Pedro 2:21; Lucas 2:11).

 Istlakatili: Inmojuantij amo inkineltokaj tlaj Jesús nelia moyolkuik.

 Tlen melauak: Kena tijneltokaj Jesús moyolkuik uan temachtli tijmatij ya nopa techpaleuia ma titlaneltokakaj. Yeka kema titlajtolmoyauaj tikinmachtiaj maseualmej Jesús nelia moyolkuik (1 Corintios 15:3, 4, 12-15).

 Istlakatili: Amo kinkauaj ininkoneuaj ma moyolpakiltikaj ipan iljuitl.

 Tlen melauak: Tikinikneliaj tokoneuaj uan tijchiuaj kampeka tikinmachtisej kuali ma monejnemiltikaj uan ma yolpakikaj (Tito 2:4).

•   Biblia amo kiijtoua ma tiiljuichiuakaj ipan Domingo de Pascua.

•   Jesús kiijtok ma tikilnamikikaj imikilis, amo kema moyolkuik. Sejse xiuitl tikilnamikij imikilis, yeka tikitaj nopa calendario katli ya uejkaj kitekiuiyayaj, kiampa tijmatij ipan tlake tonali mijki uan kiampa tikilnamikisej (Lucas 22:19, 20).

•   Tijmatij toTeotsij amo kineki ma tiiljuichiuakaj ipan Domingo de Pascua pampa kema pejkej kichiuaj nopa iljuitl, kiueyichiuayayaj se teotsij uan kichiuayayaj tlen amo kuali pampa moiljuiyayaj kichiuaskia ma konepiakaj. Uan toTeotsij ‘kineki san ya ma tijueyimatikaj’ uan kiyolkokoua kema kiita tijchiuaj tlen ya kikualankaita (Éxodo 20:5; 1 Reyes 18:21).

 Temachtli tijmatij Biblia kiijtoua amo ma tiiljuichiuakaj ipan Domingo de Pascua, yeka amo tijchiuaj. Uan Biblia nojkia techiljuia ma tijpiakaj “kuali tlalnamikilistli”, kiampa amo tijchiuasej tlen maseualmej momajtokej kichiuaj (Proverbios 3:21; Mateo 15:3). Maske tikiniljuiaj sekinok tlake tijneltokaj tojuantij uan kenke amo tiiljuichiuaj, tijtlepanitaj tlen inijuantij moiljuiaj uan tikinkauaj ma kitlapejpenikaj tlake kichiuasej (1 Pedro 3:15).