Tikinixmatij kej Jehová itlajtoltemakauaj san katli kimoyauaj nopa kuali tlamachtili tlen toTeotsij iTlanauatijkayo sejse metstli (Mateo 24:14). Sekij moatsonpoliuiltijtokej uan sekinok maske ayamo moatsonpoliuiltiaj, nojkia tikinixmatij kej Jehová itlajtoltemakauaj.

 Amo. Tlaj titemakas tomij amo kiijtosneki tielis se tlen Jehová itlajtoltemakauaj, yon amo mitstekimakasej ipan tlanechikoli san pampa titemakas tomij (Hechos 8:​18-​20). Nochi katli temakaj tomij amo kinixmatij. Ipan nochi Tlaltipaktli, Jehová itlajtoltemakauaj tlapaleuiaj ika nochi ininyolo uan ininchikaualis, uan ika nochi tlen kipiaj (2 Corintios 9:7).

 Sejse metstli, nochi katli tlajtolmoyauaj kiijkuilouaj ipan se amatl nochi tlen kichijkej kema tlajtolmoyajkej uan temakaj ipan nopa tlanechikoli kampa mosentiliaj.

 Nochi tlen kichijkej mosansejkotilia ika tlen sekinok kichijkej uan kititlanij ipan kali Betel tlen eltok ipan nopa ueyi altepetl. Teipa, sejse kali Betel kititlani ipan Kali Betel tlen eltok ne Estados Unidos nochi tlen mochijki ipan nopa ueyi altepetl uan pilaltepetsitsij.

 Kema tlami se xiuitl, a tijpouaj keskij Jehová itlajtoltemakauaj itstokej ipan sejse altepetl. Teipa nochi tisansejkotiliaj uan kiampa tijmatij keskij Jehová itlajtoltemakauaj itstokej ipan nochi Tlaltipaktli. Kampa kiijtoua “Ipan nochi Tlaltipaktli” uelis tikitas tlake mochiua ipan sejse altepetl. Tlen kinpano tlauel techyolchikaua, sanse kej kinpanok achtoui Cristo itokilijkauaj (Hechos 2:​41; 4:4; 15:3).

 Maske amo tikinitaj kej Jehová itlajtoltemakauaj, tlauel tiyolpakij pampa mosentiliaj touaya. Miakej tlen inijuantij nojkia mosentiliaj sejse xiuitl Kema moilnamiki Cristo imikilis. Uajka, maske tlauel timomiakiliaj kema moilnamiki Cristo imikilis, amo nochi elij Jehová itlajtoltemakauaj. Uelis tijmatisej keskij nelia Jehová itlajtoltemakauaj tlaj tikitasej keskij tlajtolmoyajkej ipan nopa xiuitl. Ipan xiuitl 2023, mosentilijkej 20,461,767 maseualmej.

 Miakej maseualmej katli amo mosentiliaj touaya nojkia kinmachtiaj ika Biblia uan amo kininamaj. Ipan 2023, sejse metstli kinmachtijkej se 7,281,212. Kema kinmachtijkej se keskij tlen nopa maseualmej, nojkia itstoyaj ininchampoyouaj o sekinok maseualmej.

 Pampa kema mochiua censo, san kintlajtlaniaj maseualmej ipan tlake religión mosentiliaj. Ipan nopa Oficina del Censo de Estados Unidos kiijtouaj “kintlajtlaniaj maseualmej kanke mosentiliaj pampa kinekij kimatisej ipan tlake religión kinpaktia mosentilisej”. Nojkia kiijkuilouaj san tlen nopa maseualmej kiijtouaj maske amo nelia kichiuaj. Uan kema tojuantij tikinpouaj amo tikinitaj kej Jehová itlajtoltemakauaj katli kinpaktia toreligión, tikinpouaj san katli nelia tlajtolmoyauaj uan tlamachtiaj toTeotsij iTlanauatijkayo, katli sejse metstli kiijkuilouaj tlen kichijkej ipan tlajtolmoyaualistli.