Amo, amo tijneltokaj nopa. Maske Jehová itlajtoltemakauaj tijneltokaj toTeotsij kichijki nochi tlen onka, amo tijneltokaj kichijki san ipan se keski tonali. ¿Kenke? Pampa katli kineltokaj ni kiijixnamiki tlen Biblia tlamachtia. Ma tikitakaj ome tlamantli tlen kineltokaj.

1.   Nochi tlen onka mochijki san ipan chikuasej tonali tlen 24 horas. Sekij kineltokaj nochi tlen onka mochijki san ipan chikuasej tonali, uan kiijtouaj sejse tonali uejkajki 24 horas. Maske kiampa moiljuiaj, Biblia kiijtoua nopa tlajtoli tonali kemantika kiijtosneki tlauel miak xiuitl (Génesis 2:4; Salmo 90:4).

2.   Tlaltipaktli kipia san se keski xiuitl. Nojkia kineltokaj Tlaltipaktli kipia san se keski xiuitl. Biblia kiijtoua Tlaltipaktli uan nochi tlen onka ipan iluikaktli ipa ya eltoya kema toTeotsij pejki tlachijchiua ipan Tlaltipaktli (Génesis 1:1). Yeka tojuantij, Jehová itlajtoltemakauaj, tijneltokaj kema katli tlauel ixtlamatij kiijtouaj Tlaltipaktli kipia millones tlen xiuitl ika kichijchijkej.

 Maske tojuantij tijneltokaj toTeotsij kichijki nochi tlen onka, amo tikijtouaj mokuapolojtokej katli tlauel ixtlamatij. Tojuantij tijneltokaj xitlauak tlen Biblia tlamachtia, pampa tlen kimatij katli tlauel ixtlamatij ya nopa tlen Biblia kiijtoua.