¿Nojkia Cristo itokilijkauaj nopa Jehová itlajtoltemakauaj?
Kena, nojkia Cristo itokilijkauaj. Ma tikitakaj kenke:
Tijchiuaj kampeka tijchiuasej kej Jesús kichijki uan timonejnemiltisej kej tlamachtik (1 Pedro 2:21).
Tijneltokaj tlen Jesús kichiua tlauel ipati, pampa “axaka seyok tlen uelis techmakixtis tlen totlajtlakoljuaj, pampa toTeko Dios axkitlalijtok seyok tlen kipia tekiuejkayotl ipan ni Tlaltipaktli para techmakixtis” (Hechos 4:12).
Kema timochijkej Jehová itlajtoltemakauaj, timoatsonpoliuiltijkej ipan Jesucristo itoka (Mateo 28:18, 19, TNM).
Kema timomaijtouaj tijchiuaj ika Jesús itoka (Juan 15:16).
Tijmatij Jesús kinyakana nochi tlakamej (1 Corintios 11:3).
Maske ni tlamantli kinextia nelia tielij Cristo itokilijkauaj, onka se keski tlamantli tlen tojuantij amo tijneltokaj. Tojuantij tijmatij Biblia tlamachtia Jesús yaya toTeotsij iKone uan amo se Trinidad (Marcos 12:29). Nojkia amo tijneltokaj tijpiaj se tlenijki ipan totlakayo tlen amo miki yon amo tijneltokaj toTeotsij kintlaijiyouiltiaj maseualmej ipan tlitl. Uan nojkia tijmatij amo kinamiki tikinueyichiuasej katli tlayakanaj ipan se religión (Eclesiastés 9:5; Ezequiel 18:4; Mateo 23:8-10).
Tlen nojkia mitspaktis tikitas
TLEN KINEKIJ KIMATISEJ
¿Titlaneltokaj Jehová itlajtoltemakauaj ipan Jesús?
Xikita kenke katli melauak Cristo itokilijkauaj tlaneltokaj ipan Jesús.
TLEN KINEKIJ KIMATISEJ
¿Kenke Jehová itlajtoltemakauaj amo kitekiuiaj kuamapeli o cruz?
Maske nojkia tijtokiliaj Cristo, amo tijtekiuiaj kuamapeli yon tijueyichiuaj. ¿Kenke amo tijchiuaj?
TLEN TIJCHIUAJ
¿Tlake tijchiuaj ipan Kali kampa timosentiliaj?
Xia kampa timonechikouaj uan tikitas tlake tijchiuaj nopaya.
TLEN TIJCHIUAJ
Xitlajtlani ma mitspaxalokaj
Xijyeko tlake tlamachtia Biblia o kuali xikinixmati Jehová itlajtoltemakauaj.