Kena, tojuantij titlaneltokaj ipan Jesús, ya kiijtok: “Na niojtli [...]. Na niitstok tlen melauak uan nitemakas yolistli yankuik para nochipa. Axaka uelis asis kampa itstok noTata [...] tlaj axnechneltoka” (Juan 14:6). Temachtli tijmatij Jesús ualajki ipan Tlaltipaktli pampa kinejki techmakixtiki, yeka temaktilik inemilis (Mateo 20:28). Pampa mijki uan moyolkuik, nochi katli motemachisej ipan ya uelis itstosej nochipa (Juan 3:16). Nojkia tijneltokaj Jesús Tekichijtok ipan toTeotsij iTlanauatijkayo uan nechka kichiuas ma tiitstokaj ika tlayolseuilistli ipan Tlaltipaktli (Apocalipsis [o Revelación] 11:15). Maske tijmatij nopa, ya kiijtok: “NoTata itstok más ueyi keja na” (Juan 14:28). Tojuantij tijtlepanitaj tlen kiijtok uan amo tijneltokaj Jesús yaya toTeotsij katli Kipia nochi chikaualistli, yeka amo tijueyichiuaj.