Amo, amo sionistas. Jehová itlajtoltemakauaj san kineltokaj tlen Biblia tlamachtia. Maske ipan miak religiones moiljuiaj se keski tlajtolpanextili kinextia sampa monechikosej nopa judíos ipan Palestina, Jehová itlajtoltemakauaj amo ya nopa moiljuiaj. Biblia amo kiijtoua nochi tlanauatianij mosentilisej uan sentik tekichiuasej. Tojuantij amo tijpaleuiaj yon se tlanauatijketl yon titlachikoitaj. Nopa pilamochtsi Tlen Tematiltia, tlen kichiuaj Jehová itlajtoltemakauaj, xitlauak kiijtojtok “nopa sionismo amo ya nopa tlen tlamachtia Biblia”.

 Nopa Encyclopædia Britannica kiijtoua tlake kiijtosneki nopa sionismo, uan kiijtoua “se keskij judíos kichiuaj miak tlamantli pampa kinekij kikualchijchiuasej se keski tlamantli uan ma mochiua se yankuik altepetl ipan Palestina”. Inijuantij kichiuaj ni ika política uan ika ininreligión. Jehová itlajtoltemakauaj amo tlaneltokaj ipan sionismo yon mokalakiaj ipan política.

 Katli tijtekipanouaj Jehová san titlaneltokaj ipan toreligión, uan amo timokalakiaj ipan política yon ipan sionismo. Nochi kimatij amo timokalakiaj yon kentsi ipan política, uan yeka kemantika ipan se keski altepemej tlauel techtlaijiyouiltiaj. Uan temachtli tijmatij yon se tlanauatijketl uelis kichiuas ma onka tlaseuilistli ipan Tlaltipaktli, san toTeotsij iTlanauatijkayo uelis kichiuas nopa.

 Maske Jehová itlajtoltemakauaj kampa ueli itstokej, nochi kineltokaj tlen tekichiuanij tlanauatiaj. Yon se tlen Jehová itlajtoltemakauaj kinijixnamiki tekichiuanij yon amo mokalakia kema onka tlauilankayotl.