JW.ORG
¿Kenijkatsa uelis tijpantis tlen tijtemoua ipan internet?
Ipan jw.org, kampa kiijtoua AMATLAJKUILOLI uelis tijpantis miak tlamachtili, grabaciones uan videos. Xijchiua kej nikaj kiijtoua, kiampa uelis tijpantis tlen tijtemoua.
¿Kenijkatsa uelis tijtekiuis kampa kiijtoua Xijtemo?
Tlaj tijneki tijpantis se amatlajkuiloli, uelis tijtekiuis kampa kiijtoua Xijtemo uan tijtlalis se tlajtoli tlen uala ipan nopa amatlajkuiloli.
Kampa kiijtoua Xijtemo, xikijkuilo nopa tlajtoli tlen tijneki tijpantis. Teipa xijtsonpechili kampa kiijtoua Intro o Buscar. Xikijkuilo nochi tlajtoli tlen tikilnamiki tlen uala ipan nopa amatlajkuiloli, uan kiampa uelis nima nesis nopa amatlajkuiloli tlen tijtemoua.
Tlaj nesis miak amatlajkuiloli, uelis tijtsonpechilis kampa nesi tlen tijneki tijpantis, uelis tijchiuas se tlen ni tlamantli:
Xijtsonpechili kampa nesi tlake tlamantli tlen tijtemoua tijneki tikitas. Se neskayotl, uelis tijtlapejpenis kampa kiijtoua Videos, kiampa monextis san videos.
Xijtsonpechili kampa kiijtoua Ma nesi nochi uan kiampa san nesis tlen tijtemojtok.
Sekij amatlajkuiloli tlen monextia ipan jw.org, motlapoua ipan AMATLAJKUILOLI IPAN INTERNET Watchtower.
¿Kenijkatsa uelis tijpantis sekinok amatlajkuiloli?
Tlaj tijmati tlake itoka nopa amatlajkuiloli o tlen nopaya kiijtoua, uelis tijchiuas se tlen ni tlamantli, kiampa nima tijpantis tlen tijtemoua.
Xia kampa kiijtoua AMATLAJKUILOLI > AMOCHTLI UAN PILAMOCHTSITSIJ.
Kampa kiijtoua Nochi, xikijkuilo se keski tlajtoli tlen nopa amatlajkuiloli tlen tijtemoua. Se neskayotl, tlaj tijneki tijpantis nopa amochtli Tlake tlamachtia, uelis tikijkuilos nopa tlajtoli “tlamachtia”, kiampa san monextis amatlajkuiloli tlen itoka kipia nopa tlajtoli “tlamachtia”. Teipa, xijtsonpechili ipan itoka nopa amatlajkuiloli tlen tijtemoua.
Xijtsonpechili kampa kiijtoua Xijtemo.
¿Kenijkatsa uelis tijpantis se pilamochtsi?
Xia kampa kiijtoua AMATLAJKUILOLI > PILAMOCHTSITSIJ.
Achtoui nesis naui pilamochtsitsij ¡Xitlachixtokaj! tlen namanok kiski uan Tlen Tematiltia tlen ika titlajtolmoyauaj, uan nojkia chikueyi pilamochtsitsij Tlen Tematiltia tlen ika timomachtiaj tlen namanok kiski. Tlaj tijneki tijpantis se pilamochtsi, xijchiua ni:
Xijtlapejpeni tlake pilamochtsi tijneki ma nesi uan nopa xiuitl tlen tijtemoua.
Xijtsonpechili kampa kiijtoua Xijtemo.
Xikita kenijkatsa uelis tijkixtis se amatlajkuiloli
Tlaj tijneki tikitas tlake amatlajkuiloli onka ipan jw.org, uelis tijpatlas ika ome tlamantli: ika cuadrícula uan ma motejtekpana.
Tlaj tijtsonpechilis kampa nesi se Cuadrícula, nopa amatlajkuiloli nesis kej cuadritos. Kema tijtlapos nochipa kiampa nesis.
Tlaj tijtsonpechilis kampa nesi se Lista, nochi amatlajkuiloli motejtekpanas.
Monextis ipantsajka uan itoka nopa amatlajkuiloli, uan nojkia nesis kenijkatsa uelis tijkixtis.
Xijtsonpechili nopa amatlajkuiloli tlen tijneki tijpouas.
Xijtsonpechili kampa kiijtoua Texto, kiampa motlapos se cuadro kampa kiijtoua Xijkixti uan nopaya uelis tijtlapejpenis kenijkatsa uelis tijkixtis.
Se keski amatlajkuiloli uelis tijkixtis ika PDF uan JWPUB. Nojkia onka amatlajkuiloli tlen uelis tijpantis ika uejueyi letra o tlen amo uejueyi letras.
Xijtlapejpeni kenijkatsa tijneki tijkixtis nopa amatlajkuiloli tlen tijtemoua.
Xijtsonpechili kampa kiijtoua Audio, kiampa motlapos se cuadro kampa kiijtoua Xijkixti uan nopaya uelis tijtlapejpenis nopa audio tlen tijneki tijkixtis.
Xijtsonpechili kampa kiijtoua Video, kiampa motlapos se cuadro kampa kiijtoua Xijkixti uan nopaya uelis tijtlapejpenis nopa video tlen tijneki tijkixtis.
