1 Crónicas 20:1-8

  • Moaxkatiliaj Rabá (1-3)

  • Kinmiktiaj takamej filisteos akin uejueykej katkaj (4-8)

20  Ipeujyan xiuit,* keman tekiuanij youij tateuitij, Joab yajki iniuan nochin soldados kampa nemiaj ammonitas uan moaxkatilij inintal. Joab uan isoldados kitamiyoualojkej Rabá para kinteuiskej akin ompa nemiaj, sayoj ke David mokauak Jerusalén. Joab uan isoldados kinteuijkej akin nemiaj Rabá uan kinixpolojkej. 2  Satepan, David kikuakixtilij icorona tatadios Malcam.* Nejin corona kikuatalilijkej David, uan David kiitak ke chijchiujtoya ika oro uan etik katka 34 kilos.* No kikualtsintilijkaj ika tetsitsin tein patiyoj. David mokuilij nochi tein patiyoj tein kipiayaj akin ompa nemiaj. 3  Uan no kinuikak akin ompa nemiaj para kintekitiltis. Kintajtapanaltiskia tet ika sierras, uan no kinmakaskia hachas uan okseki teposmej tein ika tatejtekiskiaj. David ijkon kinchiuilij nochin ammonitas akin nemiaj itech uejueyi xolalmej tein moinaxkatilij. Satepan David uan nochin isoldados mokepkej Jerusalén. 4  Satepan, israelitas peuak moteuiaj iniuan filisteos ompa Guézer. Ijkuak, Sibecái akin katka kayot Husá* kimiktij Sipái akin pouia iniuan refaím. Uan israelitas kintankej filisteos uan filisteos peuak kintekitiliaj. 5  Uan israelitas oksepa moteuijkej iniuan filisteos. Ijkuak, Elhanán iokichpil Jaír kimiktij Lahmí akin katka iikniuj Goliat akin kayot Gat. Lahmí kiuikaya se lanza* tein ikoujyo semi ueyi katka kemej se kouit tein ika tajkitij. 6  Uan israelitas oksepa moteuijkej iniuan filisteos ompa Gat. Itech nejon ueyi xolal nemia se ueyi takat akin no pouia iniuan refaím. Kipiaya chikuasen imajpiluan itech sejse imay uan chikuasen iikxipiluan itech sejse imets. Sennochia kipiaya 12 imajpiluan uan 12 iikxipiluan. 7  Kemej kisentokaya kinixnamikia israelitas, Jonatán iokichpil Simeá kimiktij. Simeá katka iikniuj David. 8  Nejin takamej pouiaj iniuan refaím uan nemiaj Gat. David uan isoldados kinmiktijkej nejin takamej.

Tajtolmelaualismej

^ Nikan ika motajtoua keman panokaya sesek ompa Israel, itech metsti marzo oso abril. Xikonita B15.
^ Oso “tiotsin Malcam”. Xikonita Malcam.
^ Itech hebreo, “se talento”. Xikonita B14.
^ Oso xa “ikoneuj Husá”.
^ Nejin katka se kouit tein ueyak tein itempan kipiaya se tepos tein puntajyej.
TRADUCCIÓN DEL NUEVO MUNDO DE LAS SANTAS ESCRITURAS
1 Crónicas 20
náhuatl del norte de Puebla
Xikonlero Biblia itech internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt