1 Crónicas 24:1-31
24 David kinxejxeloj ikoneuan Aarón. Ikoneuan Aarón monotsayaj Nadab, Abihú, Eleazar uan Itamar.
2 Nadab uan Abihú momikilijkej achto ke momikiliskia inintat uan amo kinpiakej ininkoneuan. Sayoj ke Eleazar uan Itamar kisentokakej kitekitilijkej Dios kemej tiopixkamej.
3 David, Sadoc uan Ahimélec kinxejxelojkej ikoneuan Aarón para kitekitiliskej Dios. Sadoc katka semej ichankauan* Eleazar uan Ahimeléc katka semej ichankauan Itamar.
4 De ichankauan Eleazar okachi miakej taixyekanayaj ke de ichankauan Itamar, yejua ika kinxejxelojkej ijkuin: 16 taixyekananij para ichankauan Eleazar uan chikueyi para ichankauan Itamar.
5 Uan no, David, Sadoc uan Ahimélec kitatamotkej tetsitsin* para kinxejxeloskej ichankauan Eleazar uan ichankauan Itamar, porin ompa pouiaj akin taixyekanayaj itech ikaltsin Dios* uan akin kinixyekanayaj akin kitekitiliayaj toTajtsin Dios.
6 Semaya iokichpil Netanel kijkuiloj inintokay nejin takamej. Yejua katka inintajkuilojkauj levitas. Kinijkuiloj iixpan tekiuaj, tiopixkat Sadoc uan Ahimélec akin katka iokichpil Abiatar. No kiitstoyaj uejueyi chiuanimej, takamej akin kinixyekanayaj ininuejueyi familias tiopixkamej uan levitas. Kinijitatiajkej uejueyi familias uan sekin kinixtalijkej maj ichankauan Eleazar kinixyekanakan uan oksekin maj ichankauan Itamar kinixyekanakan.
7 Keman kitatamotkej tetsitsin yekinika nesik Jehoiarib, satepan nestiajkej Jedayá,
8 Harim, Seorim,
9 Malkiya, Mijamín,
10 Hacoz, Abías,
11 Jesúa, Secanías,
12 Eliasib, Jaquim,
13 Hupá, Jesebeab,
14 Bilgá, Imer,
15 Hezir, Hapizez,
16 Petahías, Jehezquel,
17 Jakín, Gamul,
18 Delayá uan Maazías. Sennochia kitatamotkej tetsitsin 24 viajes.
19 Ijkon kinxejxelojkej para tekitiskej ichan Jehová. Yejuan yaskiaj ompa para kichiuaskej tekit ijkon kemej Jehová ininDios israelitas kinauatijka ininuejkaujtat Aarón maj kichiuakan.
20 Uan okseki levitas katkaj Subael uan Jehdeyá. Subael pouia iniuan ichankauan Amram uan Jehdeyá pouia iniuan ichankauan Subael.
21 Okse levita katka Isías akin pouia iniuan ichankauan Rehabías. Isías kinixyekanaya ichankauan.
22 Okseki levitas katkaj Selomot uan Jáhat. Selomot pouia iniuan ichankauan Izhar uan Jáhat pouia iniuan ichankauan Selomot.
23 Okse levita katka Jerías akin pouia iniuan ichankauan Hebrón uan yejua kinixyekanaya ichankauan. Oksekin akin kipaleuiayaj Jerías monotsayaj Amarías, Jahaziel uan Jecameam.
24 Okseki levitas katkaj Miqueas uan Samir. Miqueas pouia iniuan ichankauan Uziel uan Samir pouia iniuan ichankauan Miqueas.
25 Iikniuj Miqueas katka Isías. Uan okse levita katka Zacarías akin pouia iniuan ichankauan Isías.
26 Ikoneuan Merarí monotsayaj Mahlí uan Musí. Semej ichankauan Jaazías monotsaya Beno.
27 Jaazías pouia iniuan ichankauan Merarí. Ikoneuan Jaazías monotsayaj Beno, Soham, Zacur uan Ibrí.
28 Okse levita katka Eleazar akin pouia iniuan ichankauan Mahlí. Eleazar amo kinpiak ikoneuan.
29 Okse levita katka Jerahmeel akin pouia iniuan ichankauan Quis.
30 Uan ikoneuan Musí monotsayaj Mahlí, Éder, uan Jerimot.
Yejuan nejin katkaj ikoneuan Leví akin kinixyekanayaj ininuejueyi familias.
31 Yejuan no kitatamotkej tetsitsin ijkon kemej kichiujkej ikoneuan Aarón akin katkaj ininparientes. Keman kichiujkej kinitstoya tekiuaj David, Sadoc uan Ahimélec. Uan no kinitstoyaj akin kinixyekanayaj ininuejueyi familias tiopixkamej uan levitas. Para nochin uejueyi familias kitatamotkej tetsitsin. Akin katka xokoyot amo kichikoitakej keman kinxejxelouilijkej tekit, ta kiitakej kemej akin kiixyekanaya se ueyi familia.
Tajtolmelaualismej
^ Itech hebreo, “ikoneuan”.
^ Xikonita tetsitsin tein kitatamotayaj.
^ Xikonita ikaltsin Dios.
