1 Crónicas 27:1-34
-
Uejueyi chiuanimej akin kitekitiliaj tekiuaj (1-34)
27 Ijkon xejxeliujtoyaj israelitas akin katkaj isoldados tekiuaj. Itech sejse grupo yetoyaj 24 mil soldados. Itech nejon grupos yetoyaj takamej akin kinixyekanayaj uejueyi familias, takamej akin kinixyekanayaj mijmil soldados uan ciejcien soldados uan akin kinixyekanayaj nochi nejon grupos. Moixpapatatiayaj mejmetstika uan ijkon kichiuayaj nochi xiuit.
2 Jasobeam iokichpil Zabdiel kiixyekanaya yekinika grupo kampa pouiaj 24 mil soldados. Yejuan tekitiaj yekinika metsti.
3 Jasobeam katka semej ichankauan Pérez. Yejua kinixyekanaya nochin akin kinixtalijkaj maj kinixyekanakan soldados akin tekitiaj yekinika metsti.
4 Dodái iokichpil Ahohí kiixyekanaya okse grupo kampa pouiaj 24 mil soldados. Yejuan tekitiaj ojpatika metsti. Miclot kipaleuiaya Dodái maj taixyekana.
5 Benaya kiixyekanaya okse grupo kampa pouiaj 24 mil soldados. Yejuan tekitiaj expatika metsti. Itat Benaya katka tayekankatiopixkat Jehoiadá.
6 David kinpiaya 30 soldados akin kuali tateuiayaj. Benaya katka semej nejon soldados uan yejua kinixyekanaya. Amizabad katka iokichpil Benaya uan kipaleuiaya maj kinixyekana grupo kampa pouiaj 24 mil soldados.
7 Asahel akin katka iikniuj Joab kiixyekanaya okse grupo kampa pouiaj 24 mil soldados. Yejuan tekitiaj naujpatika metsti. Zebadías akin katka iokichpil Asahel kiixpatak.
8 Samhut akin katka izrahíta kiixyekanaya okse grupo kampa pouiaj 24 mil soldados. Yejuan tekitiaj makuiltika metsti.
9 Irá kiixyekanaya okse grupo kampa pouiaj 24 mil soldados. Yejuan tekitiaj chikuasentika metsti. Irá katka iokichpil Iqués akin katka kayot Tecoa.
10 Hélez kiixyekanaya okse grupo kampa pouiaj 24 mil soldados. Yejuan tekitiaj chikometika metsti. Hélez katka pelonita uan pouia iniuan ikoneuan Efraín.
11 Sibecái kiixyekanaya okse grupo kampa pouiaj 24 mil soldados. Yejuan tekitiaj chikueyitika metsti. Sibecái katka kayot Husá uan pouia iniuan ichankauan Zérah.
12 Abí-Ézer kiixyekanaya okse grupo kampa pouiaj 24 mil soldados. Yejuan tekitiaj chiknauitika metsti. Abí-Ézer katka kayot Anatot uan pouia iniuan ikoneuan Benjamín.
13 Maharái kiixyekanaya okse grupo kampa pouiaj 24 mil soldados. Yejuan tekitiaj majtaktika metsti. Maharái katka kayot Netofá uan pouia iniuan ichankauan Zérah.
14 Keman matamiaj akin tekitikaj majtaktika metsti, kisentokaya Benaya akin kiixyekanaya okse grupo kampa pouiaj 24 mil soldados. Benaya katka kayot Piratón uan pouia iniuan ikoneuan Efraín.
15 Keman nejin grupo matamia, okse metsti kisentokaya Heldái akin kiixyekanaya okse grupo kampa pouiaj 24 mil soldados. Heldái katka kayot Netofá uan katka ichankauj Otniel.
16 Yejuan nejin takamej kinixyekanayaj uejueyi kalyetonij israelitas: Eliezer iokichpil Zicrí kinixyekanaya ikoneuan Rubén. Sefatías iokichpil Maacá kinixyekanaya ikoneuan Simeón.
17 Hasabías iokichpil Quemuel kinixyekanaya ikoneuan Leví. Sadoc kinixyekanaya ikoneuan Aarón.
18 Elihú iikniuj David kinixyekanaya ikoneuan Judá. Omrí iokichpil Miguel kinixyekanaya ikoneuan Isacar.
19 Ismayá iokichpil Abdías kinixyekanaya ikoneuan Zabulón. Jerimot iokichpil Azriel kinixyekanaya ikoneuan Neftalí.
20 Hosea iokichpil Azazías kinixyekanaya ikoneuan Efraín. Joel iokichpil Pedaya kinixyekanaya seki* ikoneuan Manasés.
21 Idó iokichpil Zacarías kinixyekanaya okseki* ikoneuan Manasés akin nemiaj Galaad. Jaasiel iokichpil Abner kinixyekanaya ikoneuan Benjamín
22 uan Azarel iokichpil Jeroham kinixyekanaya ikoneuan Dan. Nochin yejuan kinixyekanayaj uejueyi kalyetonij israelitas.
23 David amo kinpouak akin kiajxitijkajya 20 xiujmej uan akin ayamo kiajxitiayaj, porin Jehová motenkaujka ke kichiuaskia maj israelitas motelmiakilianij kemej sitalimej tein yetokej iluikak.
24 Joab iokichpil Zeruyá peujka kinpoua israelitas sayoj ke amo matamik, uan kemej kinpoujkaj, Dios tel kualanik iniuan israelitas. Yejua ika, kampa ijkuiliujtok nochi tein kichiuak tekiuaj David amo moijkuiloj kanachimej kinpoujkaj.
25 Azmávet iokichpil Adiel tajpiaya itech cuartos kampa kitaliayaj nochi tein patiyoj tein kipiaya tekiuaj. Jonatán iokichpil Uzías tajpiaya itech kalmej kampa kitaliayaj takual uan okseki taman tein patiyoj. Nejin kalmej yetoyaj taijtik den uejueyi xolalmej uan kalampakopa. No yetoyaj itech xolaltsitsin uan itech uejkapan kalmej.
26 Ezrí iokichpil Kelub kinixyekanaya akin tatokayaj.
27 Simeí akin katka kayot Ramá kinixyekanaya akin tekitiaj kampa kitokayaj uvas. Zabdí akin katka kayot Sefam* taixyekanaya kampa kisentiliayaj uvas para kichijchiuaskej vino.
28 Baal-Hanán akin katka kayot Guéder* taixyekanaya kampa toktoyaj olivojkoujmej uan higojkoujmej ompa Sefelá. Joás taixyekanaya kampa kitaliayaj aceite.
29 Sitrái akin nemia Sarón kinyekpiaya kuakuejmej tein takuajtinemiaj ompa Sarón, uan Safat iokichpil Adlái kinyekpiaya kuakuejmej tein yetoyaj tal tamanis.*
30 Obil akin ismaelita kinyekpiaya camellos. Jehdeyá akin meronotita kinyekpiaya burros*
31 uan Jaziz akin hagrita kinyekpiaya ichkamej.* Nochin nejin takamej kinixyekanayaj akin kiyekpiayaj nochi tein iaxka David.
32 Jonatán kiyolmajxitiaya David uan katka itajkuilojkauj. Jonatán katka isobrino David uan semi tamatkej katka. Jehiel iokichpil Hacmoní kinyekpiaya ikoneuan tekiuaj.
33 Ahitofel kiyolmajxitiaya tekiuaj uan Husái akin arkita kuali mouikaya iuan tekiuaj.
34 Jehoiadá iokichpil Benaya uan Abiatar kiixpatakej Ahitofel, uan Joab kinixyekanaya nochin isoldados tekiuaj.
Tajtolmelaualismej
^ Itech hebreo, “tajko”.
^ Itech hebreo, “tajko”.
^ Oso xa “Sifmot”.
^ Oso xa “Guederá”.
^ Oso “takomol”.
^ Itech hebreo, “burras”.
^ Oso “borregos”.
