1 Crónicas 9:1-44
9 Moijkuilojtiajki inintokay nochin israelitas por familias, satepan kimajxitilijkej amatajkuilol kampa ininka tajtoua nochin akin tekiuajtikej itech xolal Israel. Akin nemiaj Judá kinuikakej Babilonia porin amo kitakamatkej Dios.
2 Seki israelitas, tiopixkamej, levitas uan akin tekitiaj ichan Dios* mokepkej ininueyi xolal kampa kipiayaj inintal. Yejuan akin yekinika mokepkej.
3 Uan seki ininkoneuan Judá, Benjamín, Efraín uan Manasés mokaltalijkej Jerusalén. Yejuan monotsayaj:
4 Utái, itat Utái katka Amihud, itat Amihud katka Omrí, itat Omrí katka Imrí, itat Imrí katka Baní. Nochin yejuan katkaj ikoneuan Pérez uan itat Pérez katka Judá.
5 No nemitoj Jerusalén Asaya uan ikoneuan. Yejuan katkaj ikoneuan uan iixuiuan Selá. Asaya kinyekanaya iikniuan.
6 Jeuel akin katka ichankauj Zérah no mokepak Jerusalén. No mokepkej 690 takamej akin katkaj ichankauan Judá.
7 Seki ikoneuan Benjamín no mokaltalitoj Jerusalén. Nejin takamej katkaj: Salú, itat Salú katka Mesulam, itat Mesulam katka Hodavías uan itat Hodavías katka Hasenuá.
8 Okseki takamej akin no mokepkej katkaj Ibneyá, Elá uan Mesulam. Itat Ibneyá katka Jeroham. Itat Elá katka Uzí uan itat Uzí katka Micrí. Itat Mesulam katka Sefatías, itat Sefatías katka Reuel uan itat Reuel katka Ibniya.
9 Iniuan nejon takamej mokepkej okseki 956, ijkon kemej ixnesi kampa ijkuiliujtok akonimej katkaj ininchankauan. Nochi nejon takamej kinixyekanayaj ininuejueyi familias.
10 Uan tiopixkamej akin mokepkej monotsayaj Jedayá, Jehoiarib, Jakín uan
11 Azarías. Itat Azarías katka Hilquías, itat Hilquías katka Mesulam, itat Mesulam katka Sadoc, itat Sadoc katka Merayot, itat Merayot katka Ahitub akin taixyekanaya ichan* toTajtsin Dios.
12 No mokepkej Adaya uan Maasái. Itat Adaya katka Jeroham, itat Jeroham katka Pasjur uan itat Pasjur katka Malkiya. Itat Maasái katka Adiel, itat Adiel katka Jahzerá, itat Jahzerá katka Mesulam, itat Mesulam katka Mesilemit uan itat Mesilemit katka Imer.
13 Uan no mokepkej ininikniuan akin kinixyekanayaj ininuejueyi familias. Katkaj 1,760* takamej akin yolchikaujkej uan takuaujtamachmej akin motemakakej tekitiskej ichan toTajtsin Dios.
14 Uan no mokepkej seki levitas. Semej katka Semaya. Itat Semaya katka Hasub, itat Hasub katka Azricam uan itat Azricam katka Hasabías. Nochin yejuan katkaj ikoneuan Merarí.
15 Uan no mokepkej Bacbacar, Héresh, Galal uan Matanías. Itat Matanías katka Micá, itat Micá katka Zicrí uan itat Zicrí katka Asaf.
16 Uan no mokepak Abdías uan Berekías. Itat Abdías katka Semaya, itat Semaya katka Galal uan itat Galal katka Jedutún. Itat Berekías katka Asá uan itat Asá katka Elcaná. Yejua nemia kampa chanchiuayaj netofatitas.
17 Akin tajpiayaj puertajtenoj katkaj Salum, Acub, Talmón uan Ahimán. Uan Salum akin katka ininpariente kinixyekanaya akin tajpiayaj puertajtenoj.
18 Hasta ijkuak yejua tajpiaya itech puerta kampa kalakia tekiuaj tein yetok kampa ualkisa tonaltsin. Nochin yejuan tajpiayaj kampa levitas chanchiuayaj.
19 Uan Salum uan iparientes akin moixmatiaj kemej coreítas* kinixyekanayaj akin tajpiayaj ichan Dios. Salum uan iparientes pouiaj itech sayoj se ueyi familia. Inintatuan kinixyekankaj akin tajpiayaj kampa se kalakia itech ikaltsin Jehová kampa yayaj kiueyichiuatij.* Itat Salum katka Coré, itat Coré katka Ebiasaf uan itat Ebiasaf katka Coré.
20 Ne uejkauj, Finehás iokichpil Eleazar kinixyekanaya. Jehová nochipa kipaleuij Finehás.
21 Zacarías iokichpil Meselemías tajpiaya kampa se kalakia itech kaltsin kampa yayaj kiueyichiuatij Dios.
22 Nochin akin kinijitakej para maj tajpiakan puertajtenoj katkaj 212. Mokaltalijkej itech xolaltsitsin iniuan ininfamilias. David uan tanauatijkej* Samuel kinixtalijkaj nejin takamej para maj kichiuakan nejin tekit porin katkaj takuaujtamachmej.
23 Yejuan uan ininkoneuan moketsayaj kaltenoj de ichan Jehová para tajpiaskej. Ijkuak, nejin kali katka sayoj se kaltsin* kampa yayaj kiueyichiuatij.
24 Akin tajpiayaj puertajtenoj moketsayaj kampa ualkisa tonaltsin, kampa pankalaki tonaltsin, ajkokopa uan tanikopa.*
25 Ixyetoya maj ininparientes ualanij seki tonalmej para iniuan tekitiskej. Yejuan ualeuayaj desde kampa chanchiuayaj uan iniuan tekitiaj chikome tonal.
26 Naui levitas kinixtalijkej maj tajpiakan puertajtenoj den cuartos kampa takuayaj uan kampa kitaliayaj nochi tein kimaktiliayaj toTajtsin Dios. Nejin levitas taixyekanayaj uan katkaj takuaujtamachmej.
27 Yejuan nochi youal tajpiayaj ichan toTajtsin Dios uan moketsayaj kampa kinixtalijkaj maj tajpiakan. Mojmostaj kualkan tatapouayaj ichan Dios porin yejuan kipiayaj llave.
28 Seki levitas kinixtalijkej maj tajpiakan kampa kitaliayaj tapalkamej uan okseki taman tein mokuia ichan Dios. Yejuan kinpouayaj keman kinkixtiayaj uan keman oksepa kinualkuiliayaj.
29 Sekin kinixtalijkej maj kiyekpiakan okseki taman tein kikuiaj para kiueyichiuaskej Dios. No kiyekpiayaj harina tein yektakuechol, vino, aceite, istak kopal uan aceite tein monotsa bálsamo.
30 Seki ininkoneuan tiopixkamej kichijchiuayaj aceite tein kualtsin ajuiyak tein monotsa bálsamo.
31 Uan kemej Matitías katka takuaujtamach, kiixtalijkej maj kinixyekana akin kichijchiuayaj pantsitsin itech sartenes. Matitías katka se levita uan itat monotsaya Salum akin katka coreíta. Matitías katka iokichpil Salum akin tayekanaya.
32 Seki ininikniuan akin katkaj cohatitas kinixtalijkej maj kichijchiuakan pantsitsin tein kimaktiliayaj Dios nochi sábados.
33 Uan akin cantarouayaj, akin kinixyekanayaj ininuejueyi familias yetoyaj kampa takuayaj uan amo kichiuayaj okse tekit porin nochipa* monekia kichiujtoskej tekit tein kipiayaj.
34 Yejuan nejin levitas akin kinixyekanayaj ininuejueyi familias, ijkon kemej ixnesij kampa ijkuiliujtok akonimej katkaj ininchankauan. Yejuan nemiaj Jerusalén.
35 Jeiel nemia Gabaón uan yejua akin yekinika peuak nemi itech nejon ueyi xolal. Isiuatsin Jeiel monotsaya Maacá.
36 Iokichpil Jeiel akin tayekanaya monotsaya Abdón, satepan kinpiak Zur, Quis, Baal, Ner, Nadab,
37 Guedor, Ahió, Zacarías uan Miclot.
38 Iokichpil Miclot katka Simeam. Yejuan nemiaj ompa Jerusalén kampa nemiaj ininikniuan. Amo uejka de ompa no nemiaj okseki ininikniuan.
39 Iokichpil Ner monotsaya Quis, iokichpil Quis monotsaya Saúl uan ikoneuan Saúl monotsayaj Jonatán, Malki-Súa, Abinadab uan Esbaal.
40 Uan iokichpil Jonatán monotsaya Merib-Baal uan iokichpil Merib-Baal monotsaya Miqueas.
41 Uan ikoneuan Miqueas monotsayaj Pitón, Mélec, Tahrea uan Acaz.
42 Iokichpil Acaz monotsaya Jará uan ikoneuan Jará monotsayaj Alémet, Azmávet uan Zimrí. Iokichpil Zimrí monotsaya Mozá.
43 Iokichpil Mozá monotsaya Bineá uan iokichpil Bineá monotsaya Refayá, iokichpil Refayá monotsaya Eleasá uan iokichpil Eleasá monotsaya Azel.
44 Azel kinpiak chikuasen ikoneuan uan monotsayaj Azricam, Bocrú, Ismael, Searías, Abdías uan Hanán. Yejuan katkaj ikoneuan Azel.
Tajtolmelaualismej
^ Oso “netineos”. Itech hebreo, “akin kintemaktijkej”.
^ Oso “itemplo”.
^ Oso “mil setecientos sesenta”.
^ Nejin katkaj ikoneuan Coré akin katka itat Ebiasaf.
^ Xikonita ikaltsin Dios.
^ Xikonita tanauatijkej.
^ Nejin kaltsin chijchiujtoya ika tasal.
^ Oso “ataujkopa”, “tauakalkopa”.
^ Oso “tonayan uan youak”.
