Génesis 36:1-43
36 Nikan ika motajtoua Esaú, akin no monotsa Edom.
2 Esaú monamiktij iniuan seki siuamej akin nemiaj Canaán. Monamiktij iuan Adá. Itat Adá katka Elón akin kiixmatiaj kemej hitita. No monamiktij iuan Oholibamá. Itat Oholibamá katka Aná, uan iueyitat katka Zibeón akin kiixmatiaj kemej heveo.
3 Uan no monamiktij iuan Basemat. Itat Basemat katka Ismael uan iikniuj monotsaya Nebayot.
4 Iuan Adá, Esaú kipiak Elifaz, iuan Basemat kipiak Reuel,
5 uan iuan Oholibamá, kipiak Jeús, Jalam uan Coré.
Yejuan nejin katkaj ikoneuan Esaú, akin kinpiak itech tal tein poui Canaán.
6 Satepan, Esaú kikauak Jacob uan nemito okseko. Kinuikak isiuauan, iokichpipiluan, isiuapipiluan uan nochin akin nemiaj ichan. No kinuikak nochin itapialuan uan nochi tein kisentilijka ompa Canaán.
7 Kemej Esaú uan Jacob kipiayajya miak taman, amo ueliaok sennemiaj. Kemej kinpiayaj tel miak tapialmej, amo kinajsiaok sakat para kintamakaskej.
8 Yejua ika Esaú nemito itech tepemej ompa Seír. Esaú no monotsa Edom.
9 Nikan ika motajtoua Esaú, ininuejkaujtat akin kinixmatij kemej edomitas. Yejuan nemij itech tepemej ompa Seír.
10 Yejua nejin inintokay ikoneuan Esaú: iuan Adá kipiak Elifaz, uan iuan Basemat kipiak Reuel.
11 Ikoneuan Elifaz katkaj Temán, Omar, Zefó, Gatam uan Quenaz.
12 Uan Elifaz, iokichpil Esaú kipiak okse isiuatsin* akin monotsaya Timná. Satepan, Timná kipiak se iokichpil Elifaz akin monotsaya Amalec. Yejuan nejin katkaj ikoneuan Adá, isiuatsin Esaú.
13 Ikoneuan Reuel katkaj Náhat, Zérah, Samá uan Mizá. Yejuan nejin katkaj ikoneuan Basemat, isiuatsin Esaú.
14 Oholibamá kinpiak eyi iokichpipiluan Esaú: Jeús, Jalam uan Coré. Itat Oholibamá katka Aná, uan iueyitat katka Zibeón.
15 De ichankauan Esaú kiskej nejin taixyekananij. De Elifaz, iokichpil Esaú akin tayekanaya kiskej Temán, Omar, Zefó uan Quenaz,
16 Coré, Gatam uan Amalec. Yejuan taixyekanayaj Edom uan kiskej de ichankauan Elifaz. Katkaj ikoneuan Adá.
17 De Reuel, iokichpil Esaú kiskej nejin taixyekananij: Náhat, Zérah, Samá uan Mizá. Yejuan taixyekanayaj Edom uan kiskej de ichankauan Reuel. Katkaj ikoneuan Basemat, isiuatsin Esaú.
18 Uan de Oholibamá, isiuatsin Esaú kiskej nejin taixyekananij: Jeús, Jalam uan Coré. Yejuan nejin taixyekananij akin kiskej de ichankauan Oholibamá, isiuapil Aná.
19 Yejuan nejin katkaj ikoneuan Esaú uan taixyekananij akin kiskej de ininchankauan. Esaú no monotsa Edom.
20 Seír katka horeo, uan ichankauan akin nemiaj itech nejon tal katkaj Lotán, Sobal, Zibeón, Aná,
21 Disón, Ézer uan Disán. Yejuan nejin katkaj taixyekananij ompa Edom, akin katkaj ichankauan Seír uan kinixmatiaj kemej horeos.
22 Ikoneuan Lotán katkaj Horí uan Hemam. Uan siuatsin Timná katka iikniuj Lotán.
23 Ikoneuan Sobal katkaj Alván, Manáhat, Ebal, Sefó uan Onam.
24 Ikoneuan Zibeón katkaj Ayá uan Aná. Yejua nejin Aná akin kiajsik itech taluakyan ameyalmej* kampa kisaya at totonik keman kinyekpixtoya burros tein kipiaya itat.
25 Aná kipiak se okichpil akin monotsaya Disón uan se siuapil akin monotsaya Oholibamá.
26 Ikoneuan Disón katkaj Hemdán, Esbán, Itrán uan Kerán.
27 Ikoneuan Ézer katkaj Bilhán, Zaaván uan Acán.
28 Ikoneuan Disán katkaj Uz uan Arán.
29 Yejuan nejin akin kinixyekanayaj horeos: Lotán, Sobal, Zibeón, Aná,
30 Disón, Ézer uan Disán. Yejuan nejin akin kinixyekanayaj horeos ompa Seír.
31 Yejuan nejin tekiuanij akin taixyekankej itech tal tein poui Edom achto ke israelitas kipiaskiaj se tekiuaj.
32 Bela, iokichpil Beor taixyekanak Edom uan nemia itech ueyi xolal Dinhabá.
33 Keman Bela momikilij, peuak taixyekana Jobab, iokichpil Zérah akin katka de Bozrá.
34 Keman Jobab momikilij, peuak taixyekana Husam akin katka de Temán.
35 Keman Husam momikilij, peuak taixyekana Hadad, iokichpil Bedad uan nemia itech ueyi xolal Avit. Hadad kintanik ompa Moab akin kinixmatij kemej madianitas.
36 Keman Hadad momikilij, peuak taixyekana Samlá akin katka de Masrecá.
37 Keman Samlá momikilij, peuak taixyekana Shaúl akin katka de Rehobot, tein yetoya inakastan se ueyiat.
38 Keman Shaúl momikilij, peuak taixyekana Baal-Hanán, iokichpil Acbor.
39 Keman Baal-Hanán momikilij, peuak taixyekana Hadar. Yejua nemia itech ueyi xolal Paú uan isiuatsin monotsaya Mehetabel, isiuapil Matred uan iixuiuj Mezahab.
40 Yejua nejin inintokay taixyekananij akin katkaj ichankauan Esaú, familias uan talmej kampa nenkej. Katkaj Timná, Alvá, Jetet,
41 Oholibamá, Elá, Pinón,
42 Quenaz, Temán, Mibzar,
43 Magdiel uan Iram. Yejuan nejin inintokay taixyekananij ompa Edom uan talmej kampa nenkej. Yejua nejin Esaú, ininuejkaujtat akin kinixmatij kemej edomitas.
