Marcos 16:1-8
-
Jesús oksepa nemi (1-8)
16 Keman panokaya tonal sábado keman moseuiaj, María Magdalena, María inan Santiago, uan Salomé kikoujkej xiujtsitsin uan aceite tein ajuiyak para kitalilitiuij inakayo Jesús.
2 Uan itech tonal keman peua semana, kualkantsin keman taneskaya yajkej itech miketekoch.
3 Uan moiluiayaj: “¿Akoni techajchiuilis* tet tein ika tentsaktok miketekoch?”.
4 Sayoj ke keman moixajokkej kiitakej ke kiajchiujkajya tet, maski semi ueyi katka.
5 Keman kalakkej itech miketekoch, kiitakej ke ininyekmakopa tokotsyetoya se okichpil akin aktoya se ueyak tasal tein pochiktik. Uan semi kimojkaitakej.
6 Yejua kiniluij: “Amo ximouikan. Namejuan nankitemouaj Jesús akin kayot Nazaret, akin kikoujpampilojkej. Sayoj ke, oksepa nemi.* Amo nikan yetok. Xikitakan, nikan kitalijkaj.
7 Sayoj ke xiakan, xikiniluikan imomachtijkauan uan Pedro: ‘Yejua yajtok Galilea. Uan ompa nankiitaskej, ijkon kemej yejua namechiluij’”.
8 Yejua ika kiskej den miketekoch uan cholojkej. Semi kimojkaitakej nochi tein panoka uan uiuiyokatiayaj. Uan amo akin teyi kiluijkej, porin mouiaj.*
Tajtolmelaualismej
^ Oso “techtetekuinouilis (techxolkepilis)”.
^ Itech griego, “moajokuik”.
^ Seki uejkauj amatajkuilolmej kinextiaj ke tein kijkuiloj Marcos tami ika tajtolmej tein yetokej itech versículo 8.
