MAJ OKACHI KUALI TITAMACHTIKAN
Keman titayoleuaskej maj touan mosentilikan itech ueyi nechikol tein uejkaua eyi tonal
Xijxiujtika ika miak yolpakilis tikchiaj tikseliskej tamachtilis tein Jiova kitemaka itech uejueyi nechikolmej tein uejkauaj eyi tonal. Kemej tiknekij maj oksekin no kiselikan netasojtalis tein kinextia Jiova, tiktemoskej tikinyoleuaskej nochin akin tiueliskej (Sl 34:8). Oloch tayekananij itech sejse nechikol kiixtalis keniuj momoyauas tayoleualismej kemej okachi tapaleuis.
TEIN MONEKI TIKMATISKEJ
-
¿Kemanian mochiuas ueyi nechikol kampa ixyetok niyas?
-
¿Kemanian peuas tayoleuas nechikol kampa nipoui?
-
¿Kemanian mochiuaskej nechikolmej achto ke tiyaskej titanojnotsatiuij?
-
¿Toni nikixtalis nikchiuas keman tikmoyauaskej tayoleualis?
-
¿Akonimej nikinyoleuas?
MAJ TIKTEMAKAKAN TAYOLEUALIS
Satepan ke titetajpaloskej, uelis tikijtoskej:
“Noyampa taltikpak titayoleujtokej maj touan mosentilikan itech se nechikol tein motelneki. Itech nejin tayoleualis moajsi kani mochiuas, kemanian uan toni hora. Tikuelitaskiaj touan xionmosentili”.
MAJ TIKPALEUIKAN AKIN KINEKI KIMATIS OKACHI
Maski tiknekij tikinyoleuaskej tel miakej maj yakan ueyi nechikol, moneki okachi tikpaleuiskej akin kineki kimatis okachi.
Itech itamian semana uelis tiktemakaskej amaix tanejmachtijkej iuan tayoleualis.