Itech metsti enero xiuit 2016, itech itamian página amaix Tanejmachtijkej peuak kiualkui se taxelol tein itokay “¿Toni kijtoua Biblia?”. Nejin mochijchiuak kemej techpaleuis maj tipeuakan tikinnojnotsakan taltikpakneminij. Chijchiujtok kemej tratados: kipia se netajtanil tein kichiua maj taltikpaknenkej kijto tein kinemilia, se tanankilil tein mokixtia itech se texto uan okseki tanemililmej.

Miakpa, aksa peua momachtia Biblia satepan ke kuali titajtojkej ika se tamachtilis tein kipia Biblia. Xikonkui nejin taxelol uan ika xikonpaleui akin kitemouaj motokiskej iuan Dios (Mt 5:6).

1. Xikontajtani taltikpaknenkej keniuj kiita semej netajtanilmej.

2. Xikonkaki uan xikontasojkamatili itanankilil.

3. Xikonixtajtolti texto tein moajsi itech “Tein kijtoua Biblia” uan xikontajtani toni kinemilia. Komo ueli taltikpaknenkej, xikonkui semej tanemililmej tein ixnesij itech “¿Toni okachi kijtoua Biblia?”.

4. Xikonmaka amaix.

5. Xionmotenkaua kemanian uan toni hora tionmokepas uan nankiitaskej okse netajtanil.