Pablo uan Silas kiueyichiujkej Jiova ika nekuikatilmej keman tsaktoyaj (Hch 16:25). Itech totonaluan, tokniuan kiueyichiujkej Dios ika nekuikatilmej ompa Sachsenhausen kampa tsaktoyaj, keman Alemania nazi tayekanaya uan no ijkon kichiujkej ompa Siberia kampa kinuikakaj. Nejin kinextia ke nekuikatilmej ueli kiyolchikauaj akin kichiuaj kemej Cristo akin kipanouaj tayejyekolismej.

Amo uejkaua, itech miak tajtolmej moajsis yankuik amaix tein motokaytis Maj timokuikatikan ika yolpakilis iixpan Jiova. Ijkon kemej tikselijtiyaskej nekuikatilmej, maj timomamachtikan keman titaueyichiuaskej kemej kalyetouanij uan ijkon tikmatiskej tajkuilol (Ef 5:19). Ijkon, keman tikpiaskej ouijkayomej, iespíritu Dios kichiuas maj tikelnamikikan itajkuilol nekuikatil. Nekuikatilmej tein ika tikueyichiuaj Dios techpaleuiaj maj titanemilikan itech tein tikchiaj tikseliskej. Techyolchikauaj keman tikixnamikij ouijkayomej. Uan hasta keman kuali timoajsij, kualtsitsin tajtolmej tein kipia kichiua “maj timokuikatikan ika yolpakilis” (1Cr 15:16; Sl 33:1-3). Yejua ika, maj timochikauakan tikuiskej nekuikatilmej tein ika tikueyichiuaj Dios.

XIKONITA VIDEO SE NEKUIKATIL TEIN KIKOTONAK CADENAS UAN SATEPAN XIKONNANKILI NEJIN NETAJTANILMEJ:

• ¿Toni kichiuak maj tokniuj Frost kijkuilouani se nekuikatil?

• ¿Keniuj nejon nekuikatil kinyolchikauak tokniuan akin tsaktoyaj ompa Sachsenhausen?

• ¿Itech toni taman tein tikonpanoua mojmostaj uelis mitsonyolchikauaskej nekuikatilmej tein ika tikueyichiuaj Dios?

• ¿Katiyejua nekuikatilmej tein ika tikueyichiuaj Dios tikonuelitaskia tikonmatis itajkuilol?